بِسْمِ اللهِ الرَّحْمٰنِ الرَّحِيمِ
Иракта жыйырма жылдык кордуктун артынан абалдан чыгуунун жолу барбы?!
Мындан жыйырма жыл мурун Америка жалган жүйөлөр менен, «эл аралык мыйзамды», Коопсуздук Кеңешин, жада калса бүткүл дүйнөнү этибарга албастан Иракка согуш кылды… Америка армияларды сапарбар кылып, «БУУ мүчөсү Кувайт мамлекетин басып алды» деген шылтоо менен Иракты жазалоо үчүн 32 мамлекеттен турган эл аралык коалицияга жетекчилик кылды… согуштун түпкү максатын каззабдык жана дажжалдык менен жашырды. Негизи, Американын өз кызыкчылыгын ишке ашыруудан башка максаты болбогон. Америка Иракты басып алган соң, ал жерде федералдык башкаруу орнотту, кийин бул башкаруу мазхабпарастардын парламенттен орун талашууларынан башка нерсе эместиги айкын болду. Маселен, Ливанда болгондой, Ирак президенти күрд, премьер-министри шиа, парламент төрагасы сунний болуп, бул сценарий өлкө бүтүндүгүн ыдыратты, Иракты кандуу мазхабчылдык күрөшкө салып, миңдеген бейкүнөө мусулмандардын өмүрүн алды.
Бул кандуу күндөрдү эскерип Хизб-ут-Тахрир–Ирак вилаятынын маалымат бөлүмү тарабынан чыгарылган билдирүүдө ушулар баса белгиленет: «Ошентип, өлкөдө жыйырма жылдан бери кандуу жаңжалдар, коррупция жана башаламандык өкүмдарлык кылууда. Улам-улам алмашып жаткан өкмөттөр коррупциячыл расмий тайпа катары өз саткындыгы менен калктын башына бүткөн балээ болду. Андан кийин бул окуялардын артынан Ирактын үчтөн бир бөлүгү ИШИМге тапшырылды жана бул иранчыл өкмөттүн тил бириктирүүсү менен, президент Обама тарабынан үч жыл деп белгиленген мөөнөткө чейин Американын жашыр чырагы астында ишке ашырылды».
Билдирүүдө дагы мындай делет: «Мына, жыйырма жылдык жийиркеничтүү баскынчылык, ыплас демократиядан соң, бүгүн БУУ башкы катчысынын өкүлү Жанин Хеннис-Плассхарт: «Иракта 2003-жылдан кийин кайра тикеленген режим таптакыр туруктуу эмес жана өз абалына ташталса, тескери натыйжа берет», – деп жатат».
Билдирүүдө Ирак элине ушулар айтылды: «Жыйырма жылдык баскынчылыктан кийинки ахвалыңар мына ушундай. Андыктан, абалдан чыкчу жол барбы? Бул өлкөдө өзгөрүү болушуна бирер үмүт барбы? Билип койгула, мындай оор абалдан чыгышыңар үчүн да, ахвалыңар өзгөрүшү үчүн да Роббиңердин минхажына кайтып, Анын шариатын өкүмдар кылуудан башка жол жок. Аллахтын шариатын өкүмдар кылуу залим режимдерди кулатып, анын урандылары үстүнө Пайгамбарлык минхажы негизинде Халифалык мамлекетин тикелөө менен болот. Биз ушул себептен улам, силер, мусулмандарды Аллахтын нусрат-жардамына татыктуу болуу үчүн Аллахка жардам берүүгө чакырабыз».
Роя гезити, №439, 2023-жыл, 19-апрель.
