بِسْمِ اللهِ الرَّحْمٰنِ الرَّحِيمِ
Хаят Тахрир Шамдын разведкасы зулумдукту улантып, Шам калкын бастыруучу куралга айланууда
2023-жылы 15-апрелде Хаят Тахрир Шамдын разведкасы Хизб-ут-Тахрирдин эки мүчөсүн уурдап кетти. Алар: медицина факультетинин студенти Мухаммадбашир Хамадан менен Айыл чарба университетин бүтүргөн Уббада Байтар. Экөөсү тең Жанудия шаарчасынан болушат.
Баса белгилөө зарыл, бул окуяга түшүндүрмө катары Хизб-ут-Тахрир–Сирия вилаятынын маалымат бөлүмүнүн төрагасы устаз Ахмадхаж Абдулваххаб ушуларды айтты: «Биз кыйладан бери Хаят Тахрир Шам разведкасынын кол салуусуна, зомбулугуна учурап келе жатабыз, ал динге да, козголоңго да маани бербей жатат. Кафр-Таал мечитинде мубарек Рамазан айында Иброхим Гайбаны өлтүргөн жана балдарына нан табуу максатында бир канча литр мазутту алып бара жаткан аялдын өмүрүнө кол салган бул жамаатты зулум-зомбулук кылуудан шариат да токтото албай жатат».
Устаз Абдулваххаб Телеграммдагы расмий каналында минтип кошумчалады: «Хаят Тахрир Шам ал козголоңдун бир бөлүгү эместигин дагы бир жолу ырастады. Тескерисинче, ХТШ түрк кожоюнунун саясатына каршы чыккан ар кандай кишини бастырууда жана Шам тогутуна каршы ар кандай олуттуу аракетти алдын алууда колдонулган куралга айланганын көрсөттү жана муну азыр баары билип турат… ХТШнын разведкасы өз камагын калыс кишилерге жана козголоңчуларга толтуруу аркылуу Шам тогутуна кызмат кылууда. Маселен, Хизб-ут-Тахрир мүчөлөрү Али Далв менен Усама Юсуф бир канча айдан бери дайынсыз бойдон калышууда. Хатяр Сарминдин уурдап кетишкенине да бир жылдан ашты. «Араб Саид» районунан жана башка жерлерден канчалаган перзенттерибиздин уурдалганын айта элекпиз…».
Устаз Ахмад сөзүн минтип бүтүрдү: «Сүйлөтпөө, зулум, бастыруу жана өлтүрүү саясатын алып баруу менен Хаят Тахрир Шам жамааты Шам элинин эркин сындыра албайт, алардын жүрөгүндөгү козголоң жалынын эч качан өчүрө албайт. О.э. калыс инсандар козголоңдун токтомун кайтарып алуу үчүн аракетти улантуусуна, канкор режимди кулатып, ордуна Ислам башкаруусун тикелөө максатына карай олуттуу кадам шилтешине тоскоолук кыла албайт… Бул Аллахка таптакыр оор эмес».
Роя гезити, №439, 2023-жыл, 19-апрель.
