Кыргызстан бир катар эл аралык конвенциялардан чыгат
Кыргыз өкмөтү жаңы сунушталып жаткан Үй-бүлөлүк кодекстин негизинде айрым эл аралык конвенциялардан чыгат. Бул тууралуу Министрлер кабинетинин төрагасы Акылбек Жапаров Жогорку Кеңештеги “Ата-Журт Кыргызстан” фракциясы менен “Мекенчил” депутаттык тобунун жыйынында билдирди.
“Буга чейин адамдын укугу, ал каалаганын кылат деп баарын кабыл ала берген экенбиз. Эми мындан ары болбойт. Кирген айрым конвенциялардан чыгалы деп жатабыз”, – деди Жапаров.
Белгилүү болгондой, Кыргызстан Бириккен Улуттар Уюмунун кыркка жакын ар кайсы тармактагы конвенцияларына кошулган. Батыш мына ушул конвенциялардын шылтоосу менен мусулмандарга өз динине каршы баалуулуктарды жайып келет. Адам укуктарын коргоо, анын ичинде жаш балдардын укуктарын коргоо да куфр дүйнө карашы негизинде ишке ашырылат. Укук коргоочулар алгач үй-бүлөнү пландаштырууга үгүттөшөт. Төрөлө элек бала үчүн толук шарт түзүү, ар бир балага өзүнчө бөлмө, эмерек даярдоо, ата-эненин балдарды камсыздай ала турган мүмкүнчүлүгү болушу сыяктуу талаптар үй-бүлөнү пландаштыруу иштеринен. Кийинчерээк бул үгүт талапка, андан соң мамлекеттик мыйзам аркылуу мажбурий талапка айланат. Натыйжада, баласына мыйзам талап кылгандай шарт түзө албагандар ата-энелик укугунан ажыратылат. Мунун натыйжасында, жарандар төрөлүүнүн санын азайта башташат. Мына ушул демократиялык мыйзамдардын натыйжасында Кыргызстанда ар бир төртүнчү бала толук эмес үй-бүлөдө чоңоюп жатат. Мындан тышкары, 12 миңдей бала интернат жана балдар үйүндө багылат. Негизи, алардын 95 пайызынын ата-энесинин көзү тирүү. Акыркы маалыматтарга ылайык, 277 миңден ашуун балдар ата-энелеринин сыртта иштеп жүргөнүнө байланыштуу жалгыз же туугандарынын колунда калууда.
Бул баалуулуктарды таңуулап жаткан Батыш да бул дүйнө карашынын кесепетин тартып, демографиялык кризиске кептелүүдө. Балдарына мамлекет талап кылгандай шарт түзүп бере албаган жарандар ата-энелик укуктан ажыратылган жагдайлар миңдеп саналат. Экинчи тарапта болсо, ушунча мээнет менен багып чоңойткон балдары ата-энелерин таштап кетишет. Натыйжада балдар үйлөрү менен катар карылар үйлөрү да көбөйүп барууда. Ушунун баарын көрүп туруп да Батыштын баалуулуктарын кабыл алуу, алардын бизге үй-бүлөлүк баалуулукту үйрөтүшү бери дегенде акылсыздык! Демек, эл аралык уюмдар таңуулаган мыйзамдар аркылуу балдарыбыз эч бир жагынан корголбой эле кордолуп жатат. Ошондуктан, балдар кылмышынын өсүшү, рэкетчилик, араккечтик, наркомания, кыздарыбыздын бузулушу, зынакорлук, бойдон алдыруу, өзүнө кол салуу, ата-энесине кайрымсыздык… сыяктуу көрүнүштөр жыл санап өсүп барууда. Көрүп турганыбыздай, эл аралык уюмдардын, бийликтегилердин, өкмөттүк эмес уюмдардын балдар укуктары жана маселелери боюнча сүйлөгөн кооз сөздөрү жана жалган убадалары жашоо чындыгына дал келбей турганы анык. Алар бир тараптан “балдарды коргойбуз”, “балдар биздин келечегибиз” деп кыйкырып жатышканы менен, бирок башка тараптан мамлекетти, коомду кайра эле демократия маскасын кийген капитализмге чакырып, аны таңуулап жатышат. Негизи, балдардын ушундай кор турмушунун чыныгы себеби – мына ушул капитализм.
Демек, Батыш үй-бүлөлүк конвенциялар аркылуу өздөрүнүн бузукулук толгон сакофатын жаюуну гана көздөйт. Натыйжада, үй-бүлөдө тукруктуулук жоголду. Эркектер да аялдар да өз милдетин унуткан абалда, үй-бүлөдө жаңжалдар көбөйүүдө. Мына ушулардан улам, буга окшогон эл аралык конвенциялардан, аларды таңуулаган уюмдардан чыгуу туура көрүнүш. А түгүл, аны менен бирге, куфрга негизделген башка эл аралык мыйзамдарды да түп тамыры менен бүтүндөй четке кагуу керек. Анткени, бул мыйзамдардын баары перзенттерибизди эксплуатация кылып, намысыбызды тебелейт. Бирок, бул кадам экинчи колонизатор Орусиянын ыраазылыгы үчүн эмес, мусулмандардын кызыкчылыгы жүзөсүнөн болушу шарт. Аллах Таала айтат: «Эй Мухаммад, өздөрүн сага түшүрүлгөн нерсеге (Куръанга) жана сенден мурун түшүрүлгөн нерселерге ыйман келтирген деп эсептеген (айрым) кимселер шайтанга өкүм сурап барууну каалап жатышканын көрбөдүңбү? Акыйкатта болсо, аларга ага ишенбестик буйрулган эле. (Анткени) шайтан аларды бүтүндөй жолдон адаштырууну каалайт» [4:60].
Мумтаз Маверанахрий
