بِسْمِ اللهِ الرَّحْمٰنِ الرَّحِيمِ
Жакында жүз берген зилзала Ислам Умматындагы жакшылыкты көрсөтүп, Батыш жана анын малайлары жараксыз экенин ачыктады
Устаз Абдудали (Абу Мунзир)
Хизб-ут-Тахрирдин Сирия
вилаятындагы маалымат бөлүмүнүн мүчөсү
Шам калкы 2023-жылы 6-февраль күнү таңда Рихтер шкаласы боюнча 7.8 баллдагы зилзала менен ойгонду. Түркиянын түштүгүндө жана Сириянын түндүгүндө жүз берген жана бир мүнөттөн ашык созулган бул зилзала көптөгөн аймактарда үрөй учурган ойрондулуктарды, көп сандагы каза болгон адамдарды калтырды… Статистикалык маалыматтарга ылайык, каза болгондордун саны азат кылынган аймактарда – ушул макала жазылып жатканда – 3637 кишиге, жараат алгандардын саны 7216 кишиге жеткен. Булактар жана Жарандык коргонуу билдиришинче бул сан көбөйүшү мүмкүн. Зилзаладан жети күн өтүп Жарандык Коргоону урандылар астынан аман калгандарды издөө иштери бүтүргөнүн жарыялады. Сириянын түндүк-батыш бөлүгүнө ушул убакытка чейин техникалык жардам болобу, башкасыбы, чет элдик жардам келген жок.
Ооба, бул зилзала окуясы, козголоң жылдары учурундагы башка болуп өткөн окуялар сыяктуу, эл аралык коомчулуктун да, зыянкеч өкүмдарлардын да козголоң жана козголоңчуларды жек көрөрүн ачыктады. Алардын жүрөктөрүндөгү душмандыктары болсо андан да чоңураак. Мисалы, ушундай окуя учурунда башыбызга балээ-мусибаттарды алып келген чегара өткөрүү пункттарын жабуу чечими чыгарылды… Алардын жабылышы зилзалалардан зыян көргөндөргө мусулмандар тарабынан берилген жардамдардын келишине тоскоол болду. О.э. бул зилзала зыянкеч режимдер бул кайгылуу окуядан пайдаланып, канкор режим менен мамилелерди нормалдаштырууга шашып жатышканын ачыктады. Бул чындыктар козголоңчуларга жакшы маалым. Социалдык тармактар бул чындыктарды көрсөтүү үчүн трибуна милдетин аткарууда.
Эки мүнөткө жетпеген убакыт көп нерсени ачыкка чыгарды… Адамдар Аллахтын кудурети ар нерсеге кудуреттүү экенин эстешти. Шам калкы жалгыз Аллахтан жардам сурап, үлкөн мусибаттарга сабыр кылышканынан ыйман алардын жүрөктөрүндө бекем орношкону көрүндү.
Эки мүнөткө жетпеген убакыт өтө көп акыйкаттын ачылышы үчүн жетиштүү болду. Уммат жакшылыктарга бай экендиги дагы ушул акыйкаттардын маанилүүсү. Негизи, Батыш жана анын куйруктары Умматтын бул жакшылыктарын өчүрүүгө узак жылдардан бери аракет кылган. Бирок, алар каалашпаса да, Аллах бул жакшылыктарды көрсөтүүнү каалады жана калктын биримдиги, бир дене, бир жан экендиги зилзаладан кийинки бир нече күндө ачык-айкын көрүндү.
Ушул бир нече күндө жүрөктөрдө чоң үмүт ойготкон иштер көп болду. Уммат тирүү экендиги, бардыгы бир дененин мүчөлөрү болуп, бул мүчөлөрдүн бири ооруса, калгандары ысытма жана уйкусуздук менен ага жардам берүүгө шашылганы көрүндү.
Эки мүнөт түрк режиминин чыныгы жүзү душман менен тил бириктирген жүз экендигин көрсөтүүгө жетиштүү болду. Себеби, түрк режими чегараларды жаап, жардамдардын Сирияга өтүшүн тосту. Ал тургай, чегараларыбызды жолдо жүз берген окуя себептүү жаптык деп жалган сүйлөдү. Деги, Түркияда урандылар астында каза болгон жүздөгөн боордошторубуздун денелери ушул чегаралардан алып кирилди го! Бул жолдорду бир иш үчүн ачышат, башка бир иш үчүн жабышат, мындан тышкары, козголоңду колдогон калктан өч алуу үчүн жардамдардын Сирияга өтүшүнө уруксат бербөө жөнүндө токтом кабыл алышты. Себеби, түрк режиминин канкор режим менен жарашуусуна каршы чыккандар мына ушул калк болду. Калктын ушул кезектеги позициясы үчүн Аллах Субханахуга мактоолор айтабыз. Муну менен чет элдиктерден жардам үмүт кылып жаткандар үчүн да, түрк режими жана анын тил бириктирүү кылмыштарын жашырып, алкыштап жаткандар үчүн да кечирим шылтоо калбасын.
Эки мүнөт Сириядагы өкмөт-фракциялардын абалы ачыкка чыгышына жетиштүү болду. Акыркы жылдарда адамдарды кыйноо, мал-мүлктөрүн талап-тоноо, терилерин шылуу, салык салуудан башка иштери болбогон бул өкмөт-фракциялар зилзала окуясында да кол куушуруп туруудан башка нерсе кылышкан жок жана чыныгы жүздөрү бүтүндөй ачылды. Эмнеге ачылбасын, акыры, алар эң жөнөкөй иштерди да кылууга кудуретсиз жансыз предметтер болуп, кырсык болгон жерлерге барып, сүрөткө түшүүдөн башка нерсеге жарабайт!
Согушкер жамааттардын жетекчилерине келсек, алар жеке кызыкчылыктары үчүн абалдан пайдаланышты. Айрыкча, ушул убакытка чейин мамлекеттер козголоңго каршы пландаган жаман ниеттеги оюндарда жамааттардын жетекчилери башкы оюнчу болуп катышып жатканы жана токтомдорду аткаруучу пешкалардан башка нерсе эместиктери элге ачыкталды. Бул саткын жетекчилер Харим жана Жандарис сыяктуу көптөгөн шаарларда кайрадан мыйзмдуулук көрүнүшүн алууга урунушту.
Зилзаланын эки мүнөтү мамлекеттер жана уюмдардын чыныгы жүзүн ачыктоого жетишти. Мисалы, БУУ жардамдарды токтотуп, киргизген жок. Шейшемби күнү т.а. кырсыктан бир күн өтүп бул уюмдун расмий кызматкери «Уюм Сириянын түндүгүнө берүүчү жардамдар убактылуу токтотулганын» т.а. адамдардын өлүп бүткөнүнө ишеним пайда кылышканга чейин токтотулганын билдирди. Адамдардын катуу басымынан кийин жана бир нече күн өткөндөн кийин гана жардамдар кирди. Кирген жардамдар да зилзаладан мурун жиберилген жана тазалоо каражаттарынан башка нерсе болбогон кербен болду!
Бул эки мүнөт ушул уюмдардын өтө төмөндүгүн көрсөтүүгө жетиштүү болду. Чындыгында адамдарга жардам берүү үчүн эмес, алардын азап-кыйынчылыктарынан пайдалануу үчүн чоң профессионалдуулук менен иштеп жаткан уюмдар экени көрүндү. Алардын көпчүлүгү массалык маалымат каражаттарынан, ал тургай, адамдардын кайгы жана мусибаттарынан пайдаланышты. Тез жетип барып, сүрөткө тартууга шашылышты, ал тургай, кырсыктан жеке кызыкчылыктары үчүн пайдаланып, адамдардын кыйынчылыгына жардам берүү деген нерсени маска кылышты.
Шам козголоңу калкына айтар сөзүбүз: бул сыноо ниъматы үчүн Аллахка мактоолор болсун, Аллах Субханаху даярдык көрүп жаткан улуу ишиңер үчүн пенделер арасынан силерди тандады жана ошол үчүн фитна-сыноолорго тынымсыз учурап жатканыңарды көрүп турасыңар… Демек, сабыр, сабыр! Себеби, бул Аллахтын пенделерине жиберген мыйзамы. Расулуллах ﷺдан «эң катуу сыналчу адамдар кимдер?» деп сурашканда минтип жооп берди:
«أَشَدُّ النَّاسِ بَلَاءً الْأَنْبِيَاءُ، ثُمَّ الْأَمْثَلُ فَالْأَمْثَلُ، يُبْتَلَى الرَّجُلُ عَلَى حَسَبِ دِينِهِ، فَإِنْ كَانَ دِينُهُ صُلْباً اشْتَدَّ بَلَاؤُهُ، وَإِنْ كَانَ فِي دِينِهِ رِقَّةٌ ابْتُلِيَ عَلَى حَسَبِ دِينِهِ، فَمَا يَبْرَحُ الْبَلَاءُ بِالْعَبْدِ حَتَّى يَتْرُكَهُ يَمْشِي عَلَى الْأَرْضِ مَا عَلَيْهِ خَطِيئَةٌ»
«Эң катуу сыноого учурай тургандар – пайгамбарлар. Кийин эң жакшы кишилер жана дагы да жакшылары. Киши динине карап сыналат. Эгер, дининде бекем болсо, ага сыноо катуу келет. Эгер, динине алсыз амал кылса, ушул алсыздыгына карап сыналат. Сыноо пендени жер жүзүндө эч бир катасыз жүргөнгө чейин таштабайт». (Имам Ахмад жана башкалар риваяты). Демек, Аллахтын бул ишине да сабыр кылгыла жана келе жаткан көп жакшылыктарды күтүп тургула.
Андыктан, Аллахтын кудуретине жана нусратына бекем ишеничте бололу. Себеби, азыр – жалгыз Аллахтын арканын кармоо жана Андан гана жардам сурап, Анын буйругуна моюн сунуу убагы. Мына ошоно гана максатыбызга жетебиз! Негизги максатыбыз – канкор режимди дастур-мыйзамдары, адамдары жана устундары менен бирге кулатуу жана анын урандылары үстүнө Ислам бийлигин тикелөө.
Роя гезити, №430, 2023-жыл, 15-февраль.
