“Диндер аралык диалог” Исламдан эмес
21-ноябрда Бишкектеги «Ала-Арча» мамлекеттик резиденциясында «Ислам жана православие – тынчтыктын диндери» эл аралык конференциясы болуп өттү. Ага президент Сооронбай Жээнбеков да катышты.
Президент өз сөзүндө мамлекет диний чөйрөнү тескөө иштерин жандандырарын белгиледи. Анын айтымында, мамлекет мамлекеттик-конфессиялык өнөктөштүк үчүн, ар кандай конфессиялардын карым-катнашта жашоосу үчүн шарт түзөт.
Буга чейин президент Кыргызстан мусулмандар дин башкармалыгынын башчысы Максат Токтомушев жана Бишкек жана Кыргызстан орус православ чиркөөсүнүн епархиясынын епископу Даниилди кабыл алган. Жолугушууда коомдо конфессия аралык ынтымак менен сабырдуулукту бекемдөө, радикализм жана экстремизмдин алдын алуу маселелери талкууланган.
Бүгүнкү күндө Кыргызстан диндер аралык диалогду өнүктүрүү менен Батыштын сакофатын жаюуга кызмат кылууда. Анткени, капиталисттик системанын жаюучусу болгон Батыш дүйнөсү Исламды да христианчылык сыяктуу өзүнөн түзүм келип чыкпаган дин кылып көрсөтүүгө аракет кылат. Мына ушул долбоордун алкагында, теология билимин алып жаткан студенттерге Ислам дини менен катар христианчылык жана буддизм окутулуп, өздөрү да ушул пикирдеги мугалимдерге айланууда. Ал эми Исламдын тарыйкатка тиешелүү өкүмдөрүн тарых катары жашырышууда. Бул долбоор глобалдык долбоор болуп, Саудия кербен башында жүрөт. Буга чейин Шахзада Мухаммад бин Салман Лондондо Англикан чиркөөсүнүн жетекчиси менен жолугушуу учурунда улуттук реформанын бир бөлүгү катары диндер аралык диалогду алдыга жылдырууга убада берген эле.
Түпкүлүгүндө Расулуллах (с.а.в.) мындай аракеттерден кайтарып, Исламды гана бекем кармоого чакырган. Ал Зат Умар (р.а.)нун Тоороттун бир бөлүгүнө карап турганын көрүп калганда ачууланып: «Андан тазараак, пакизараагын алып келбедимби?” – деген. Демек биз аларга карата жалаң гана Шарият уруксат берген алкакта мамиле кылышыбыз керек.
Мумтаз Маверанахрий
