Трамп менен Путин жолугуша турган жер белгилүү болду
АКШ президенти Дональд Трамп менен Россиянын президенти Владимир Путин 16-июлда Хельсинки шаарында жолугуша турган болушту. Бул тууралуу РИА “Новости” кабарлады.
“Fox News” телеканалы да жолугушуу Хельсинкиде болору тууралуу кабарлаган.
“АКШ президенти Дональд Трамп менен РФ президенти Владимир Путин ортосундагы саммит Финляндиянын борбору Хельсинки шаарында өткөрүлө турган болду”, – деп жазылган телеканалдын “Twitter”деги баракчасында.
Трамп 11-12-июлда Брюсселде өтүүчү НАТО саммитинен кийин Путин менен Хельсинкиде жолугушуусу мүмкүн экендигин кабарлаган.
