Ташкентте чет элдик согушкерлерди аныктоо боюнча семинар өтүп жатат
“Sputnik” сайтынын кабарлашынча, Ташкент шаарында 21-23-февраль күндөрү чет элдик согушкерлерди-террорчуларды аныктоо боюнча улуттук семинар болуп өтөт.
Бул тууралуу Евро Биримдиктин Өзбекстандагы өкүлчүлүгүнүн расмий сайты кабар берди. Семинар Борбор Азия чегараларын башкарууга көмөктөшүү программасы алкагында уюштурулат.
Семинардын жүрүшүндө эксперер чет элдик террорчуларды аныктоо боюнча алдыңкы тажрыйбалар менен бөлүшүшөт. Чегарадагы өткөрүү пункттарында террорчуларды аныктоо методологиясын жакшыртуу боюнча сунуш-чаралар иштеп чыгылат. О.э улуттук башкармалыктар тарабынан БУУ Коопсуздук Кеңешинин экстремизмге каршы күрөшүү тармагындагы сунуштарын ишке ашыруу боюнча кошумча аракеттер талкууланат.
Борбор Азия чегараларын башкарууга көмөктөшүү программасы 2003-жылы иш баштаган. Ал аймактагы мамлекеттер ортосундагы чегараларды башкаруу тармагында кызматташтыкты өнүктүрүүгө салым кошуп келет. 2003-2018 жылдар аралыгында программаны ишке ашыруу үчүн 40,8 миллион евро бөлүнгөн. Анын 5 миллион евросу 2015-2018-жылдарды өз ичине алган тогузунчу фазасын ишке ашырууга бөлүнгөн.
