Трамп: Куддус “Израилдин” борбору. Бул маселеде сүйлөшүүгө орун жок
АКШ президенти Дональд Трамп Куддусту яхудийлер басып алышынын астында алардын борбору катары кабыл кылган чечими туруктуу экенин жана бул маселеде эч кандай сүйлөшүүлөргө орун жок экенин билдирди.
Трамптын бул баянаты яхудийлердин “Израил Хайам” гезити тарабынан жарыяланды. Трамп гезитке берген интервьюсунда, АКШ тарабынан Куддусту яхудий вужудунун борбору катары кабыл кылынышы – бул өзүнүн шайлоо алдындагы убадасы экенин жана көптөгөн мурунку президенттерден айырмаланып, бул убаданы орундатканын белгиледи.
Куддусту Израилдин борбору катары кабыл кылууда бушайман болбогонун ырастаган Трамп, “Куддусту сүйлөшүүлөр столунан чыгарып таштоо керек. Ал “Израилдин” борбору болуп калууга жана бул маселеде сүйлөшүү алып баруу мүмкүн эместигине көрсөтмө бердим”,- деп кошумчалады.
Яхудийлер менен Палестинанын ортосунда тынчтык орнотуу үчүн саясий сүйлөшүүгө чакырган Трамп, тынчтык келишимин түзүү үчүн эки тарап тең айрым нерселерден баш тартышы керектигин айтып өттү.
Яхудий вужудунун Булуң мамлекеттери менен айрыкча, Саудия менен болгон алакалары тууралуу берилген суроого, “Азыркы учурда өз-ара алакалары өтмүшкө караганда жакшы. Бул мамлекеттер менин Куддус тууралуу чечимиме сый мамиле кылышты”,- деп жооп берди Трамп.
