АКШ Иракты калыбына келтирүү үчүн каражат бөлүүнү каалабайт
АКШнын аскерий иштери себептүү урандыга айланган Иракты кайра калыбына келтирүү үчүн АКШ каражат бөлүүнү каалабайт. Бул тууралуу АКШ мамлекеттик департаменти Кувейтте өткөн конференцияда маалымдады.
Ирак өкмөтүнүн билдиришинче, мамлекетти кайра куруу үчүн кеминде 100 миллиард доллар керек болот. 12-14-февраль күндөрү Кувейтте болуп өткөн эл аралык конференцияда Иракты кайра калыбына келтирүү маселеси карап чыгылды.
АКШ жана башка Батыш мамлекеттеринин өкүлдөрү Иракты кайра калыбына келтирүү үчүн өздөрүнүн салымын кошуу планы жоктугун билдиришти. Алардын айтымында, Ирактын инфраструктурасын калыбына келтирүү үчүн сарптала турган каражат ИШИМ кайрадан өзүн бекемдеп ала турган шаарларды реконструкция кылууга жумшалып калышы мүмкүн.
АКШ өкмөтү өз колу менен урандыга айландырган Иракты кайра калыбына келтирүү үчүн каражат бөлүү бул жакта турсун, АКШ президенти Дональд Трамп 2017-жылдын башында Ирак аткаминерлеринин АКШ банктарына койгон каражаттарын конфискациялоо тууралуу чечимин чыгарды. Бул тууралуу бир нече араб сайттары кабар таркаткан. Кабарда айтылышынча, Ирактын аткаминерлеринин АКШ банктарына койгон миллиарддаган долларлары Америка калкынын мүлкүнө айландырылган. Бул каражаттар Иракта курман болгон америкалык аскерлер үчүн «кун катары» алынганы түшүндүрүлгөн.
Акчалары конфискацияланган Ирак аткаминерлеринин аты АКШнын каржы сайтында жарыяланган:
- Нурий Маликий 66 миллиард $
- Масъуд Барзаний 59 миллиард $
- Ияд Алавий 44 миллиард $
- Баха Аъражий 37 миллиард $
- Жалал Талибаний 35 миллиард $
- Адил Абдулмахдий 31 миллиард $
- Бакир Забидий 30 миллиард $
- Рофе Исавий 29 миллиард $
- Салих Матлак 28 миллиард $
- Усама Нажифий 28 миллиард $
- Аднан Асадий 25 миллиард $
- Хушар Зейбарий 21 миллиард $
- Мухаммад Карбулий 20 миллиард $
- Мухаммад Даражий 19 миллиард $
- Али Илак 19 миллиард $
- Саъдун Далимий 18 миллиард $
- Хайдар Ибадий 17 миллиард $
- Фарук Аъражий 16 миллиард $
- Салим Жабурий 15 миллиард $
- Ахмад Нурий Маликий 14 миллиард $
- Али Ясарий 12 миллиард $
- Тарик Нажм 7 миллиард $
- Хасан Анбарий 7 миллиард $
