АКШ: Исламды кантип жеңебиз?
АКШда “Исламды кантип жеңебиз” аттуу конференция болуп өттү. Алты саатка созулган конференцияга президенттикке ат салышкандар, Борбордук разведка бюросунун офицерлери, АКШ Конгрессинин мүчөлөрү, а түгүл дүйнөнүн ар тарабынан келген яхудий жана насроний эксперттер катышты.
Конференцияда Исламды жеңүү жеңил болушу үчүн Исламий шариатты өзгөртүү жана Исламдан мусулмандардын алакасын үзүү планы талкууланды. Алардын айтымында, бул үчүн өздөрүнө ылайык аалымдарды тандап алып, аларды колдоп-кубаттоо аркылуу Куранды тафсир кылуу жана Усул фикх маселесине өзгөртүү киргизүү керек болот.
Учурда конференция залынан жазылып алынган видео материалдарды интернет тармактарынан көрүүгө болот. Анда бир яхудий эксперт Исламды жеңип чыгуу үчүн Мусулман уламаларынын Куранды тафсир кылуу жана Усул фикх тууралуу раъйларына өзгөртүү киргизүү сунушун ортого таштаганын көрсө болот.
Учурда ушул долбоордун алкагында иш алып барып жаткан Сириялык табиб Зухдий Жасирден көңүлү толбой атканын билдирген яхудий эксперттин айтымында, Исламий шариатты бузуу үчүн өздөрүнө моюн сунган аалымдар тафсир жана усул фикх маселесинде мурунку Исламий уламалардын жолун ээрчибеши, тескерисинче башка жолду кармануу үстүндө баш катырышы лаазым имиш.
“Ушуну жакшы түшүнүп алышыбыз керек, Куран жана Хадис – бул экөө Исламдын негизи. Сүннөттүн да өзүнө таандык юридикалык натыйжалары бар. Шариат Куран жана Хадистен турат. Бирок, анын негизи болсо усул фикх. Бул диндар мусулманга важиб милдеттерди белгилеп берет. Башкача айтканда, диндар мусулманга Курандагы сүрөөнү кандай окууну, түшүнүүнү белгилеп берет. Мусулмандар Куран аяттарын Исламий уламалар көрсөтүп берген жолдон башкача абалда окушун каалаган киши уламалардын раъйларын өзгөртүү тууралуу ойлонушу лаазым. Мунун башка жолу жок. Маселен, мен соода тууралуу аятты тафсир кылмакчы болсом, алардын тафсир жолун карманбашым керек”,- деди яхудий эксперт.
Туркистон:
Жогоруда, Ислам жана мусулмандар үчүн усул фикх (Куран жана сүннөттөн истинбат кылуу усулу) эрежелерин өзгөртүү керек деп, илманий, дүйнөлүк куфр системасы, яхудий жана насронийлер талкуу жүргүзүүдө!!!
Ондогон жылдар аралыгында Саудия, Миср жана башка мамлекеттерде жайгашкан расмий исламий окуу жайларында учурдагы окуу программалары да, жогорудагы сыяктуу куфр эксперттер тарабынан атайын иштеп чыгылганы шексиз! Бул программанын куралдарынан болуп саналган суний – шиа маселесиндеги өтө кескиндик, дал ушул куфрдун усул фикх негизинен келип чыккан. Мунун натыйжасында Ислам дүйнөсүндө бузук чөйрө пайда болуп баратканын көрүп турабыз. Бул бузук чөйрөдөн азыр да АКШ жана башка куфр колонизаторлору үлкөн пайда көрүп жатканын көрүп турабыз! Мындан тышкары исламий усул фикх эрежелерин бузуп жиберүү менен “такфир” түшүнүгүн пайда кылуу аркылуу куфр дүйнөсү ИШИМ уюмуна негиз салды. Учурда бул сыктуу уюмдар аркылуу Ислам идеологиясы негизиндеги исламий мабдаъий чөйрөгө сокку беришүүдө!
Алар, куфр кызыкчылыгы үчүн алгач Ислам дүйнөсүндөгү жетекчи исламий адамдарды өз тарабына оодарып алуу иштерин алып барышат! Бул үчүн алар коомду идеологиялык (ар бир иш аракетти исламий акыйда негизине байлоо жана ошол чекиттен баа берүү) дүйнө карашынан үзүп, мусулмандарды дүйнөлүк кызыкчылыктар менен кызыктырып, акырет кызыкчылыктарынан узакташтырып алышат. Акыреттеги кызыкчылыкты жогору коюп, куфр жалганчыларына ишенбей аткан мусулмандарга, “террорист, экстремист, радикал” деген атамаларды берип, аларды коомдон күч менен болсо да четтетүүгө аракет кылышат!
Кыргызстанда мечит уламалары атайын даярдалган программанын негизинде теологиялык даярдоо курсу боюнча окутулууда. Максаттары, ар бир имамды жогорудагы яхудийлер сыяктуу пикирлей турган маңкурттарга айландырып алуу. Алар түзүп алмакчы болуп жаткан “мээлүүн исламчылар” армиясы, куфрга моюн сунбаган мусулмандарга каршы күрөш башталганда, куфрдун аракеттерин жасалма усул фикх өкүмдөрү менен колдоп барат!
Куфр албетте жеңилет! Алардын өнөктөш, жакындары да жүзү кара болуп, эки дүйнө пайдасынан кур калышат! Оо мусулман бир туугандар! Куфр дүйнөсү алып кирип келе жаткан үлкөн тузактардан этият бололу! Аманатка кыянаттык кылууда Алладан коркуп, Ага такыбаалык кылалы! Анын азабынан кутулууга, бул дүйнө жана акыреттеги сыйлыгына шашылалы!
