Москва Вашингтонду Россиядагы президенттик шайлоого аралашуудан эскертти!
Россиянын тышкы иштер министрлиги Вашингтонду алдыдагы президенттик шайлоого ар кандай көрүнүштө аралашуудан эскертти. Бул тууралуу Россиянын Вашингтондогу элчиканасынын сайтында жарыяланды. Кабарда келишинче, АКШнын Россияга каратылган айыптоолору саясий мүнөзгө ээ.
Кабарда: “Россияда күтүлүп жаткан президенттик шайлоого аралашуу максатында АКШ расмийлери тарабынан Москвага каратылган айыптоолор жалган жана саясий айыптоолор болуп эсептелет. АКШнын Россиядагы шайлоого шектенүү менен карашынын да эч кандай мааниси жок”, – деп айтылат.
О.э. Россия тышкы иштер министрлиги, Вашингтондун “Россия жарандыгына ээ болгон ар кандай адамга шайлоодо талапкер катары катышууга мүмкүнчүлүк берүү” талабы Россиянын ички иштерине аралашуу болуп эсептелишин билдирди.
“АКШ бийлиги өз аймагында жашаган Россия жарандарынын добуш беришине тоскоолдук кылбайт деп үмүттөнөбүз”, – деп кошумча кылган министрлик.
Айта кетүүчү нерсе, Россиянын Борбордук шайлоо комиссиясы оппозиционер саясатчы Алексей Навальныйдын президенттикке талапкердигин каттоодон баш тарткандыгы үчүн Вашингтон Москваны адам укуктарын бузуп жаткандыкта жана эркиндиктерди чектеп жаткандыкта айыптаган эле.
