Коммунизм кулаганы сыяктуу эле, капитализм да кулайт
Капитализм түзүмүнүн кулашы акыйкат экендиги ушул түзүмдүн сакчылары тарабынан ачык-айкын жарыя кылына баштады. АКШнын белгилүү саясатчыларынын бири, республикачылар партиясынын өкүлү жана мурда АКШ президенттигине талапкер болгон Рон Пол социализм, коммунизм, ал тургай капитализм түзүмү жашоо үчүн жараксыз экендигин жана кулашы анык экендигин моюнга алды.
АКШ президенти Дональд Трампты сындаган Рон Пол Трамптын финансылык туруктуулук жаатында ийгиликке жетишкендигин билдириши негизсиз экендигин айтты. Полдун айтымында, СССР кулаганы сыяктуу эле, капитализм да кыйроого жүздөнүүдө.
“АКШнын кайдыгерлиги натыйжасында өсүп кеткен карыздары жана аскерий чыгымдары акыры келип, бул түзүмдүн қулашына жана Советтер Союзунун акыркы күндөрү сыяктуу күйүп күл болушуна себеп болот”, – деди Техас сенатору Рон Пол.
Трамп өзүнүн коммерциялык жөндөмүн АКШ бийлигине интеграция кылышы менен мактангандыгын, бирок, жакындап келе жаткан экономикалык кыйроонун алдын алууга кудуреттүү эместигин баса белгилеген Пол СССР АКШнын аскерий түзүмдөрү себептүү кулабагандыгын айтты.
Социализм жана капитализм түзүмү турмуш үчүн жараксыз экендигин жана кулашы анык экендигин баса белгилеген Рон Пол: “Мен экономикалык көз караштан карап жатам. СССР кулашы үчүн АКШдагы аскерий түзүмдөр себеп болгон жок”, “Биз Советтер түзүмүндө болгону сыяктуу күтүүсүз жана коркунучтуу натыйжага карай бара жатабыз. Бирдей жараян болбойт. Анткени, ал жерде айрым мамлекеттер СССРден эгемендүү болгон эле. Биздин штаттарыбыз эгемендүү болбойт. Бирок, мен мындан кийин империябызды каржылай албастыгыбызга анык ишенемин. Биз империябызды сактап калуу үчүн курал менен коркутуп, санкциялардан пайдаланып жатабыз. Кулоого жакындап калдык”, – деди.
Америка улуттук разведка кеңеши жарыя кылган “Глобалдык келечектин картасын сызуу” деген аталыштагы отчёт да ушуну көрсөтүүдө. Отчётто Исламга даъват 2020-жылга чейин натыйжага жетишери жана Ислам хазараты Халифалык көлөкөсүндө глобалдык өзгөрүүлөрдү жүзөгө чыгарып, дагы кайрадан мурункусундай абалга кайтышы баса белгиленет.
