Шахзадаларды “Блэкуотер” тергөөгө алууда
Саудияда башкаруу тизгинин колго алган мураскор шахзада Мухаммад ибн Салман коррупцияга каршы күрөшүү шылтоосунда камакка алган жүздөгөн жогорку даражалуу жооптуулар, ошону менен бирге шахзадалар жана министрлер кыйноого кабылгандыгы тууралуу маалыматтар чыга баштады.“Daily Mail” гезитинин Саудиядагы булагы тараткан кабарга ылайык, Эр-Риядда абакка айландырылган Ритз Карлтон мейманканасында кармалып турган туткундар АКШнын жеке менчик коопсуздук компаниясы “Блэкуотер”дин жаңы канаты “Академи”тарабынан тергөөгө алынууда.
“Блэкуотер” АКШнын жашыруун компаниясы. Анын Афганистан жана Иракта жардыруулар, кол салуулар жана канкордуктар сыяктуу өзгөчө жашыруун операцияларды о.э. дагы башка ыпылас иштерди кылгандыгы бир нече жолу далилденген.
“Аларды уруп-согуп, акаарат кылып, кыйноого алышууда. Бүтүндөй “сындырууну” каалашууда”, “Айрым, тергөө жараянында мураскор шахзаданын өзү катышууда. Чоң нерсе жөнүндө сөз болгондо суроону шахзаданын өзү берет жана жылуу-жумшак мамиле кылат. Ал чыгып кеткенден кийин коопсуздук кызматкерлери кирип, кыйноого ала башташат”, – деп жазды гезит.
О.э. кабарда келишинче, тергөө жараянында бутунан шыпка асып алып, таякталган жана кыйнооого алынган адамдардын арасында 19 миллиард доллар байлыгы менен дүйнөдөгү эң бай 50 адамдын катарынан орун алган шахзада ал-Валид ибн Талал да бар.
Булактын билдиришинче, шахзада Мухаммад ибн Салман бүгүнкүгө чейин камакка алынган адамдардын 194 миллиард доллардык мал-дүйнө жана банктык эсептерин конфискация кылган. Буга чейин туткундарга байлыктарын тапшырып эркиндикке чыгуу сунушталган эле. Мураскор шахзада Мухаммад ибн Салман “The New York Times”ка берген интервьюсунда, учурда шахзадалар жана миллиардерлердин көпчүлүгү байлыктарынын бир бөлүгүн тапшырып, азаттыкка чыгууга ыраазы болушкандыгын билдирди.
