Лавров Сирия маселесинде иорданиялык кесиптеши менен жолугушту
РФ тышкы иштер министри Сергей Лавров Иорданиянын тышкы иштер министри Айман Ас-Сафадий менен Иорданиянын борбору Амманда жолугушту. Кабарларда келишинче, Сергей Лавров жолугушуу учурунда Россия менен Иордания бир багытта экендигин айтып өткөн.
Региондогу маселелер боюнча жолугушууларды өткөрүү үчүн Амманга келген РФ тышкы иштер министри иорданиялык кесиптеши менен жолугушкандан кийин биргелешкен маалымат жыйынын өткөрдү. Лавров Сирия маселеси боюнча пикир билдирип, Сирия кризисин тезирээк жөнгө салууга жана бул жаатта ар бир учурдан өнүмдүү пайдаланууга чакырды. Анын айтымында, Сирия маселесинде түзүлгөн ар бир келишим БУУнун токтомдорунан четке чыкпашы керек.
Лавров: “Сириядагы кан төгүүнү тезинен токтотуу, кризиске чечим табуу жана БУУнун токтомдоруна ылайык чыныгы келишим түзүү керек”, “Эл аралык мыйзамдарды жана мамлекеттин ички иштерин сыйлоо керек. Эгерде Сирияда тынч жашоого кайтуу үчүн мүмкүнчүлүк бар болсо, андан өнүмдүү пайдалануу керек”, – деди.
Астана сүйлөшүүлөрүнүн алкагында Түркия жана Иран менен биргеликте деэскалация аймактарын түзүү үчүн аракет кылып жаткандыгын билдирген Лавров, бул жаатта Саудия да колунан келишинче аракет кылып жаткандыгын билдирди.
Лавров: “Сауд Арабиясы Сирия кризисин жөнгө салууга олуттуу киришти. Ошондуктан, Астана сүйлөшүүлөрүн колдоп-кубаттап жатат”, – деди.
О.э. Лавров Иорданиянын королу Абдулла менен да пайдалуу жолугушуу болуп өткөндүгүн билдирген.
