РФ генералы: Сирияда куралдын 200дөн ашык түрүн сыноодон өткөрдүк
Россия Куралдуу күчтөрүнүн аскерий жана илимий комитетинин жетекчиси генерал-лейтенант Игорь Макушев Россия күчтөрү Сирияда куралдын 200дөн ашуун түрүн сыноодон өткөргөндүгүн билдирди.
Москвада билдирүү берген Игорь Макушев: “Сириядагы атайын операция учурунда аба жана деңиз куралдарын алгачкы жолу “бир учурда ок атуу боюнча сыноодон” өткөрдүк. Бул сыноо РФ башкы штабынын пландары негизинде ишке ашырылды”, – деди.
Макушевдин айтымында, бул операция Россия деңиз күчтөрү ар кандай шартта ок чыгаруу мүмкүнүчүлүгүнө ээ экендигин көрсөткөн. О.э. Сириядагы аталган тажрыйба Россия куралдарынын натыйжалуулугун көрсөтүп берген.
Генерал Макушевдин бул билдирүүлөрүнөн кийин Россиянын Сириядагы карапайым калкты бомбалаганы тастыкталды. Россия буга чейин муну чекте кагып келген эле.
Башкы штабы Лондондо жайгашкан Сирия адам укуктары обсерваториясынын кабар беришинче, Россия аскерлеринин чабуулдары себептүү 9300 жаран өлгөн. Алардын 3,800и тынч жарандар. Мындан тышкары, Сирияда Россия баскынчылыгы натыйжасында 20 миң адам жарадар болгон. Булар расмий маалыматтарда көрсөтүлгөн цифралар. Ал эми, чыныгы цифралар мындан бир нече эсеге көп экендиги баарыбызга белгилүү.
