Өзбекстан аскерийлери Россиянын атайын бөлүктөрүнүн тажрыйбасы менен таанышат
“Sputnik” сайтынын кабарына таянсак, 23-августтан 26-августка чейин Өзбекстан аскерий делегациясы Россиянын Самара облусундагы атайын бөлүктөрдүн (спецназ) даярдык жараяны менен таанышат. Бул тууралуу РФ коргоо министрлиги кабарлаган.
Кабарда келишинче, Өзбекстан башкы штабынын жана Куралдуу күчтөр академиясынын офицерлери , Волга жээгиндеги Борбордук аскерий округдун аскерий бөлүктөрүнө барышып, тактикалык машыгууларга катышат. О.э. атайын операцияларды пландаштыруу, өткөрүү жана ар тараптуу камсыздоо боюнча тажрыйба алмашат.
Бул сапар Өзбекстан жана Россия коргоо министрликтеринин 2017-жылга болжолдонгон эки тараптуу аскерий кызматташтык туурасындагы планына ылайык ишке ашырылууда.
Бга чейин Ташкентте болуп өткөн сүйлөшүүлөрдө РФ борбордук аскерий округ кошуундарынын командачысы генерал-полковник Владимир Зарудницкий жана Өзбекстандын коргоо министри генерал-полковник Кабул Бердиев кызматташтыкты өнүктүрүүгө кызыкдар экендиктерин тастыкташкан.
Түзүлгөн келишим боюнча, жылдын аягына чейин аймактык кызматташтык маселелери боюнча кеңири масштабдуу штабдык сүйлөшүүлөр, Өзбекстандын Фориш полигонунда биргеликтеги тактикалык машыгуулар жана башка иш чаралар өткөрүлөт.
