Анкара Бишкектен Гүлен уюмуна каршы күрөштө кызматташтыкты күтүүдө
Анкара Бишкектен Фетхулла Гүлендин уюму менен күрөштө олуттуу кадамдарды күтүүдө. Бул тууралуу эки өлкөнүн премьер-министрлери Бинали Йылдырым менен Сооронбай Жээнбековдун жолугушуусунда айтылды.
Анкарадагы “Чанкая”резиденциясындагы жолугушууда өкмөт башчылар Гүлен тарапкерлеринин ишмердүүлүгү эки мамлекеттин достук алакасына тоскоол болбошу керектигин айтып өтүштү.
Түркия тарап FETÖ коркунучуна каршы күрөшүүдө Кыргызстан бийлигинен кызматташтыкты күтүп жаткандыгын билдирди.
Ал эми кыргызстан тарап болсо, эки өлкө ортосундагы достук жана боордоштук мамилени бекемдөөгө жана мындан ары да өнүктүрүүгө даяр экендигин билдирди.
