Афганистан полиция жана армияны даярдоодо Россиядан жардам сурады
“Sputnik” сайтынын кабарына таянсак, Афганистан өзүнүн армия жана полициясын даярдоодо Россиядан жардам сурады. Бул тууралуу Афганистандын Саясат жана стратегиялык пландаштыруу департаментинин директору Мухаммад Ашраф Хайдари кабарлаган.
О.э. Кабул экономикалык 124 объектини кайрадан тикелөөдө да Москванын жардамынан үмүттөнүүдө.
Хайдаринин айтымында, бул маселе Россия тышкы иштер министрлигинде талкууланган жана учурда Кабул Москвадан жооп күтүүдө. О.э. үстүбүздөгү жылдын февраль айында Кабул Москвадан экономикалык 124 объектини кайрадан тикелөөдө жардам сураган эле.
Россия Федерациялык Кеңешинин вице-спикери Иляс Умаханов РИА Новостиге берген билдирүүсүндө: “Мамлекеттер ортосунда ушундай кызматташтык ишке ашуусу мүмкүн, себеби, сөз терроризм жана экстремизмге каршы күрөшүү жөнүндө болуп жатат. Мында бардык мамлекеттердин кызыкчылыгы бар ”, – деди.
Вице-спикер Россия менен Афганистандын ортосунда наркотикалык заттарга каршы күрөшүүчү тармактын адистерин даярдоодо ушундай кызматташтык боюнча тажрыйба бар экендигин эскертип өттү жана аскерий тармакта кызматташуу чечими президент жана коргоо министри тарабынан кабыл алынышын кабарлады.
Бир нече күн мурда Эл аралык Сот Пентагон жана АКШны Афганистан аймагында ишке ашырылган аскерий кылмышта айыптап, Эл аралык Сотто мындай кылмыштарга бир нече видео далилдер бар экендигин маалымадаган эле.
Туркистон:
Акыркы кездерде Афганистан дагы кайрадан эл аралык саясаттын көңүл борборуна айланып барууда. Путин андан Орто Азияны коркутуу үчүн пайдаланмакчы болуп жаткан болсо, Трамп “Сириядагы согушка чекит коюу керек” деп, Афганистанга 9.5 тонналык бомба таштап жиберди.
Мындан, “АКШ менен Путин дагы кайрадан биргеликте Сириядагы согушту Афганистанга көчүргөнү аракет кылып жаткан окшойт” деген күмөн пайда болот. Путин акыркы кезде Борбор Азия өлкөлөрүн Афганистандан келе турган жана аны колдоп жибериши күтүлүп жаткан ички исламий кыймылдардан коркутууда. АКШ болсо анын Афганистан менен кызматташуусуна ыңгайлуу шарттарды түзүп, агрессивдүү операцияларды ишке ашырып жатат. Эгерде ушул божомол кубаттуу болсо, алар Сирия согушун Борбор Азияга көчүрүүнү пландаштырып жаткан болушат.
Жогорудагы, Афганистандын расмий өкүлү Россияны аскерий кызматташтыкка чакырышы ушул пикирибизди кубаттап турат. Себеби, учурдагы Афганистан бийлигин АКШ пайда кылган жана ушул кезге чейин аны колдоп келет. Бул сценарий Сириядагы Асад режими менен Россиянын аскерий кызматташтыгын эске түшүрүүдө. Ал жерде да сценарийдин автору АКШ болчу.
