Спайcер: Россия ката жолду тандады
Ак үйдүн маалымат катчысы Шон Спайcер Асад режимин ар тараптуу колдоп-кубаттап келе жаткан Россияны ката жолду тандагандыкта айыптады.
Шон Спайсер: “Россия – Сирия, Түндүк Корея жана Иран менен жанма-жан турат. Россиядан тышкары, аталган мамлекеттер ийгиликсиз мамлекеттер болуп эсептелишет. Мындай абалда Россия өзүн эл аралык коомчулуктан изоляция кылып алууда”, – деди.
О.э. Асад режими эч качан химиялык куралга ээ болбостугун жана бул жааттагы келишимге Россия да кол койгондугун эскертип өттү. Спайсердин айтымында, Асад химиялык куралды колдонбостугу үчүн Москва ага таасир өткөрүшү керек.
Туркистон:
Россия улуу мамлекеттердин катарында турса да, бирок Жакын Чыгыш регионунда өзү каалагандай иш кылуу укугуна ээ эмес. Ушуга ылайык, Россия ал жерлерде өзү түзгөн план негизинде иш кыла албайт. Анын ал жерлерде кыла турган бирден-бир иши түзүлгөн келишимдин алкагында Америкага кызмат кылуу.
Ошондуктан, ИШИМге (ИГИШ) каршы күрөшүп жаткандыгын дааба кылып жаткан Россия Иракта эч кандай аракет кылып жаткан жок. Акыйкатта болсо ири өлчөмдөгү нефти, газ жана башка ресурстарга бай болгон Иракта да ИШИМдин бир топ таасири бар. Мына ушундан көрүнүп тургандай, Россия бул региондордо АКШнын уруксаты жана көрсөтмөсү аркылуу гана иш кылат. Россия бул жаатта Америкага бир аз болсо да таасир өткөрө албайт.
О.э. Россия Сирияда да өз алдынча саясат жүргүзө албайт. Ал өзүнө тапшырылган милдетти гана ишке ашырууда. Т.а. орус бийлиги саясий сокурдугу себептүү АКШнын Сирияда өзү аткара албай турган иштерин аткарып берүүдө. Спайсердин сөздөрү болсо, Сирия маселесинде АКШны аппак кылып көрсөтүп, бардык айыпты Россияга жабыштыруу максатында айтылды.
