Назарбаев конституцияга киргизилген өзгөртүүлөрдү тастыктады
“Kun.uz” сайтынын кабарына таянсак, Казакстан президенти Нурсултан Назарбаев конституцияга киргизилген өзгөртүүлөрдү тастыктады. Өзгөртүүлөргө ылайык, президенттин бир катар ыйгарым-укуктары парламент менен өкмөткө берилет.
Кабарда: “Президент “Казакстан республикасынын конституциясына өзгөртүү жана толуктоолорду киргизүү жөнүндөгү” мыйзам долбооруна кол койду”,- деп айтылат.
Өткөн аптада Казакстан парламенти конституцияга киргизиле турган өзгөртүүлөр долбоорун биринчи окууда макулдаган эле.
Конституциянын мамлекеттик тармактар ортосунда укук-милдеттерди бөлүштүрүү туурасындагы 23 беренесине өзгөртүү жана толуктоолор киргизиле турган болгон.
Сунушталган өзгөтүүлөр парламенттин ролун күчөтүү, өкмөттүн көз карандысыздыгы жана жоопкерчилигин күчөтүүгө каратылган. О.э. сот системасы жана прокуратуранын конституциялык негиздерине айкындык киргизет.
Туркистон:
Ислам Каримов күтүүсүздөн өлүп калгандан кийин анын жакындарына болуп жаткан терс мамилелер Назарбаев менен Атамбаевдин тынчын алып койду.
Кыргызстанда авторитардык режим орногон эмес. Ошондуктан, бул мамлекетте катуу силкинүү күтүлбөйт. Бирок, Казакстанда Назарбаев президенттик башкаруу негизиндеги авторитардык режим орнотуп алган. Анын режими бир тараптан Өзбекстандагы Каримов режимин эске түшүрөт. Өзбекстандын жаңы президенти Мирзияев ар бир тармактагы Каримов үй-бүлөсүнө караштуу адамдарды алмаштырып, системаны жаңылап барууда. Каримовдор үй-бүлөсүнө тиешелүү бизнес, мал-дүйнө жана коомдогу таасири тартып алынууда. Албетте, Назарбаев жана Атамбаевдердин жакындарын да ушундай абал күтүп турат.
Ошондуктан, Назарбаев мүмкүнчүлүгү барында жетекчиликти кызына өткөрүп берүү максатында реформаларды баштап жиберди. Кыргызстанда да Атамбаев референдум өткөрүп, башкаруу тизгинин парламентке алып берүү максатында олуттуу аракеттерди кылууда. Атамбаев парламентте өзүнө караштуу партиянын диктатурасын орнотуп алмакчы. Назарбаев болсо, парламенттеги партиялык диктатуранын үстүнө кызын алып келип, көзү тирүүсүндө режимди ага моюн сундурууну көздөп жатат.
