Терроризмди каржылоого шектелген дагы бир адам кармалды
Бишкек шаарында эл аралык террорчу уюмга каржылык колдоо көрсөтөт деген шек менен 33 жаштагы адам кармалды. Бул тууралуу УКМКнын басма сөз кызматы билдирди.
Кабарда айтылышынча, 2-февралда кармалган адам 2012-жылы Мисир жана Сирияда диний билим алган. Ошол кездерде эл аралык террорчу уюмдар менен байланыш түзүп, экстремисттик уюмдарга колдоо көрсөтүү максатында араб мамлекеттеринин биринде коммерциялык иштер менен алектене баштаган.
Шектүү жаран 2015-жылы Кыргызстанга келип, радикал топторду каржылоо багытында ишин улантып жаткан. Шектүү учурда УКМКнын тергөө абагында.
Акыркы кездерде УКМК Кыргызстанда терроризмди каржылоону көздөгөн жарандар кармалып жатканы тууралуу тез-тез кабарлап жатат.
УКМК өткөн аптада Кыргызстан аймагында террорчулукту каржылоо максатында чет өлкөлүк валютаны даярдоо, өткөрүү жана сатуу менен алектенген уюшкан топ кармалып, алардын жанынан 56 миң доллар өлчөмүндөгү жасалма банкноттор табылганын кабарлаган эле.
Туркистон:
Кыргызстанда саясий кырдаал курчуй баштады. Бул саясий интригалар илманий (светский) саясий топтор оросунда жүрүп жатат. Алар бири-бири менен бийлик талашууда. Бирок, бул күрөш ыпылас жана башаламан ыкмалар менен уланат. Акаев жана Бакиевди кууп чыгарганда да ушул сыяктуу өтө ыпылас жана маданиятсыз күрөшкө күбө болгонбуз. Булар бүгүнкү күнгө чейин бири-бирин морадёрлукта айыптап жатышат.
Бирок, алар бул арзыбаган креслолор үчүн болгон күрөшүнө мусулмандарды да аралаштырууга аракет кылышууда. Акаев да, Бакиев да бийлигинин акыркы күндөрүндө Ислам жана мусулмандардан өтө чоң коркунуч келип жатат деген жалган менен коомду чалгытмакчы болгон эле. Алар да кудум азыркыдай эле мусулмандарды өлтүрүп же камакка алуу менен коомду тазалап жаткандай жасалма аракеттерди кылышкан эле. Бирок, алар күткөн коркунуч мусулмандардан эмес, өздөрүнүн шериктери жана бир элита өкүлдөрү болгон демократиялык партиялар тарабынан келди. Учурда ошол экстремисттик жол менен бийликке келген топтор бийликте отурушат. Ал тургай, ошол экстремисттер президентти кууп жибергенде пайда болгон саясий боштукта да исламий козголоңчулар баш көтөрүшпөгөн.
Себеби, Кыргызстанды ээлеп алуу максатын көздөгөн эч кандай исламий кыймыл жок. Мындай максаттагы кыймылдар Кыргызстанда эч качан болгон эмес.
Сегизбаев баш болгон УКМК кызматкерлери да коомду чалгытып, коомчулукту жасалма коркунуч менен мусулмандар тарапка буруп жибермекчи болушууда. Тарых кайталанып жаткандай. Булар да мурунку бийликтин иш-аракеттерин кайталап жатышат. Учурдагы бийликтин мурунку жетекчилердин аракеттерин кайталоосу, буларды да ошолордукундай тагдырга дуушар кылып коюшу мүмкүн!
Ал тургай, бир жерди бир нече мусулман жардырып жиберген күндө да, бул нерсе бүтүндөй мухитке жана башка мусулмандарга каршы күрөш баштоого укук бербейт. Ал тургай, маалыматтык чабуулдарды алып барууга да. Кылмышкердин өзү гана кылган иши үчүн жооп бериши керек. Мисалы, Акаев жана Бакиевдерди кылмышы себептүү Кыргызстанда президенттик кызматты жоюп жиберишпеди го. Же ал президенттерди кылмышкер кылган дүйнөлүк илманий башкаруу системасын да ыргытып жибербедик. Мурунку президенттин жанында жүргөн эле адам президент болду. Министр жана башка чиновниктер да мурунку эле элита өкүлдөрү. Башкаруу системасы да мурунку эле идеология негизинде уланып жатат! Куфр системасы негизиндеги бул ыпылас күрөшкө мусулмандарды аралаштырбай, бири-бириңер менен күрөшө бергиле. Ар бир кылмышка исламий түс берип, аны саясатка айландырууга аракет кылбай эле койгула!
