АКШ Араб өлкөлөрүнө 1 миллиард доллардык курал сатууну тастыктады
АКШ Мамлекеттик департаменти Кувейт жана Саудияга 1 миллиард доллардык курал-жарак сатууну тастыктады. Бул куралдар арасында аба чабуулунан коргонуучу ракеталар жана коркунучтан алдын ала эскертүүчү системалар бар.
АКШ Коргоо жана коопсуздук агенттигинен алынган маалыматка караганда, министрлик 23-январда Кувейтке 110 миллион доллардык 60 даана “AMRAAM” ракетасын сатууну о.э. 400 миллион доллардык AH-64D тибиндеги “Апаче” вертолёту үчүн техникалык кызмат көрсөтүүнү о.э. логистикалик запастык бөлүктөрдү сатууну тастыктаган.
О.э. АКШ Тышкы иштер министрлиги Саудия өкмөтүнө да 525 миллион доллардык 10 даана 74 К коркунучту аныктоочу система, 26 даана инфракызыл электр-оптикалык камера жана 10 даана коммуникациялык разведка сенсор сатууну тастыктады.
Бул жалпы баасы 1 миллиард 35 миллион доллардык курал-жарак келишими АКШ Конгресси тастыктагандан кийин ишке ашырылат. АКШ 2016-жылы Кувейт, Катар, Саудия жана Бириккен Араб Эмираттары мамлекеттерине жалпы баасы 42,8 миллиард доллардык курал-жарак жана ок дары саткан эле.
Туркистон:
Ушул жерде бир суроо пайда болот: Саудия, Кувейт жана Катар мамлекеттери бул куралдарды кимге каршы колдонот? Палестинаны яхудий баскынчылардан куткаруу үчүнбү, же Аракандагы мусулмандарды тирүүлөй өрттөп жаткан бутпарас террорчуларды эсине келтирип коюу үчүнбү, же Борбордук Африкадагы кыргындарды токтотуу үчүнбү? Бир нече жылдардан бери дүйнөнүн ар жеринде мусулмандар кыргын кылынып жатканына карабастан, казармалардан чыгууга жарабай жаткан аскерлерге бул курал-жарактардын эмне кереги бар? Ал тургай, кээ бир куралдар Саудиянын аскерий муктаждыгына таптакыр туура келбейт. Ушундай болгон соң, араб өлкөлөрү эмне себептен АКШ жана Батыштан курал сатып алууда бири-бири менен атаандашууда?
Мунун себеби, араб өлкөлөрүнүн АКШ менен курал-жарак келишимдерин түзүүдөн көздөлгөн максат, үммөттүн байлыктарын кожоюндарына кош колдоп тапшыруу жана Америка компанияларын байытуу аркылуу АКШнын экономикасы көтөрүлүшүнө салым кошуу. Ошентип, кожоюндарын бир аз болсо ыраазы кылмакчы болушат. Сатып алган куралдарды болсо эки жолдун бирине т.а. мусулмандар арасында тайпачылык, мазхабчылык фитналарын козгоого, же өздөрүнө каршы козголгон үммөттү бастырууга колдонушат. Натыйжада үммөттүн байлыгына сатып алынган куралдар үммөттүн өзүнө каршы колдонулат.
