Лавров Сириянын Араб мамлекеттери лигасына кошулуу идеясын колдоп-кубаттады
Сириянын Араб мамлекеттери лигасына кайтуусу саясий тартип орнотуу жаатындагы жалпы иш-аракеттерге түрткү бериши мүмкүн. Бул тууралуу РФ тышкы иштер министри Сергей Лавров орус-араб кызматташтык форумунун төртүнчү сессиясында билдирди.
“БУУнун мыйзамдуу мүчөсү болгон Сирия өкмөтүнүн Араб мамлекеттери лигасынын жыйындарына катыша албастыгы биздин жалпы иш-аракеттерибизге жардам бербейт. Эгерде Сирия өкмөтү ушул уюмдун катарында болгондо, анда Араб мамлекеттери лигасы бул жерде маанилүү рол ойношу мүмкүн эле”,- деди Лавров.
Анын айтымында, Араб мамлекеттери лигасы Россия президенти Владимир Путиндин универсалдуу антитеррордук фронтту түзүү туурасындагы демилгесин колдоп-кубатташкан.
Тышкы иштер министри Женевадагы Сирия боюнча сүйлөшүүлөр февралдын аягында өткөрүлүшүн баса белгиледи.
“Астанада өткөрүлүшү пландаштырылган жолугушуу туурасындагы жарыянын өзү, сүйлөшүүлөр менен алектенүү керектигин БУУдагы досторубуздун эсине түшүрүп, алар жолугушуу күнүн белгилешти. Болгону, аны 8-февралдан айдын аягына көчүрүштү. Сүйлөшүүлөр дагы башка күнгө көчүрүлбөйт деген үмүттөбүз”,- деп кошумчалады Лавров.
