Жубайр: Биз Трамп менен кызматташууну ынтызардык менен күтүп жатабыз
Саудиянын тышкы иштер министри Адил Жубайр АКШнын жаңы президенти Дональд Трамп админстрациясына оӊ көз карашта экендигин билдирди. Жубайрдын айтуусунда, Саудия бийлиги эки мамлекет үчүн пайдалуу болгон бардык маселелер боюнча Трамп менен кызматташтыкта иш алып барууну зарыгып күтүүдө.
“Трамп админстрациясы туурасында жакшы көз караштабыз. Эки мамлекет үчүн пайдалуу болгон бардык маселелер боюнча кызматташтыкта иш алып барууну сабырсыздык менен күтүп жатабыз”, – деди Саудиянын тышкы иштер министри Адил Жубайр.
“Ал-Арабия” телеканалы аркылуу билдирүү берген Адил Жубайр Трамп админстрациясынын ИШИМди (ИГИЛ) жеӊүү, АКШнын дүйнөдөгү ролун күчөтүү жана Иран маселесиндеги пландарын курсантчылык менен кабыл алышын билдирди.
Айта кетүүчү нерсе, Дональд Трамп шайлоо кампаниясы учурунда мусулмандарга каршы кызуу билдирүүлөрдү берип жатып, Саудия жөнүндө өзүнчө токтолуп, анын Америкадагы бардык аманат каражаттарын өздөштүрүп алууга ишара кылган эле.
Трамп Американын Эн-Би-Си телеканалына берген интервьюсунда: “Саудия бай мамлекет, ошонудктан ал бизден алып жаткан саясий жана коопсуздук жардамдардын акысына акча төлөшү керек”. “Саудия жакында өтө чоӊ кыйынчылыктарга дуушар болуп калат жана биздин жардамыбызга муктаж болот. Эгерде биз болбосок, Саудия пайда болмок эмес жана сакталып да турбайт эле…”, – деген болчу.
О.э. АКШ конгресси тарабынан тастыкталган «гаста» деген аталыштагы мыйзам да Саудияны бир аз ыӊгайсыз абалга кептеп койду. Себеби, бул мыйзам 2001-жыл, 11-сентябрдагы терактта өлгөндөрдүн жакындары үчүн Саудияга каршы иш козгоо мүмкүнчүлүгүн берет жана аны компенсация төлөөгө мажбур кылат.
