Кремлдин Трамп туурасындагы курсантчылыгы ишенимсиздикке айланды
“Kun.uz” сайтынын “Bloomberg”агенттигине таянып билдиришинче, Кремлдин Дональд Трамп жеӊишине кубангандыгы көпкө созулбай, ишенимсиздикке айланган.
Агенттиктин маалыматтарына таянсак, Кремль Трамп доорунда АКШ менен болгон мамилени кыска мөөнөткө болсо да жакшыртуу мүмкүн экендигине көп деле ишенбей жатат.
Bloomberg Москвадагы жогорку кызматтагы булактарына таянып: “Ак үйдө Владимир Путиндин “өз кишиси” пайда болушу туурасындагы Кремлдеги курсантчылык ишенимсиздикке айланды”,- деп кабарлаган.
Буга АКШда жаӊы шайланган президенттин айрым билдирүүлөрү себеп болгон. Айрыкча, ал АКШнын ядролук укугун бекемдөө тууралуу сөз кылган эле. О.э. европалык ЖМКларга берген интервьюсунда, Россияга карата киргизилген санкцияларды жумшартуу катары куралсыздануу сүйлөшүүлөрүн да шарт кылган эле.
Bloomberg агенттиги Саясий конъюнктура борборунун директору Алексей Чеснаковдун: “Кремлдин Трамптан күтүп жаткандары сезиле турган көрүнүштө өзгөргөн… Россия жетекчилиги мамилелерди оӊдоо жеӊил болбостугун анык көрүүдө”,- деген сөздөрүн келтирген.
Трамп президенттик шайлоо кампаниясында Россия менен мамилелерин ар түрдүү божомол кылган эле. Ал 2016-жыл, 8-сентябрдагы сөзүндө “Путин экөөнүн мамилеси өтө жакшы болушу” жөнүндө пикир билдирген эле.
Мындан үч ай мурда т.а. 2016-жылдын жай мезгилинде Reuters агенттигине берген интервьюсунда Трамп:“ Россия менен мамилебиз жакшы болот деп ойлоймун. Балким, андай болбой калышы да мүмкүн. Путин менин дарегиме жакшы сөздөрдү айтканы, сүйлөшүүлөрдө ага пайдалуу болушун түшүндүрбөйт. Ооба, чындыгында жардам бербейт”, – деген эле.
