Социалдык тармактарда цензура
Массалык маалымат каражаттары тараткан кабарга ылайык, социалдык тармактар өздөрү экстремисттик жана террористтик деп билген контенттерге каршы биргеликте күрөшө баштаган. Кызматташтык келишими негизинен АКШнын төрт ири технологиялык компаниясы YouTube, Facebook, Twitter жана Microsoft компаниялары ортосунда түзүлгөн.
Бул демилгеге ылайык, аталган компаниялар тарабынан террорчулукка байланышы бар же экстремисттик идеяларга үндөйт деп табылган сүрөт жана видеолор өчүрүлөт. Экстремизм жана терроризмге каршы күрөштүн алкагында Twitter микроблогу 2016-жылдын февраль айынан август айына чейин 235 миӊ эсепти токтотуп койгону айтылууда. Мындан тышкары “экстремисттик” жана “террористтик” постторду көзөмөл кылып туруучу топтордун саны көбөйтүлгөн.
“Биздин кардарларга болжолдонгон кызматтарыбызда террорчулукка үгүттөөчү контенттер үчүн орун жок”, – деди Twitter социалдык тармагынын маалымат катчысы.
Ушул жерде “Террорчулукка үгүттөөчү контенттер” эмес, тескерисинче “террорчулукту ачыктоочу контенттер” деп айтылганда аныгыраак болмок. Себеби акыркы маалыматтарга ылайык, Хизб ут-Тахрир – Түркия вилаяты АКШ, Россия, Иран жана Асад аскерлери Халабда ишке ашырып жаткан террорго көӊүлдү буруу үчүн Twitter социалдык тармагында баштаган “Эй аскерийлер, Халабга көздөй алга” хештеги Twitter микроблогу тарабынан цензура кылынган. Бул тууралуу Хизб ут-Тахрир – Түркия вилаятынын басма сөз бөлүмүнүн жетекчиси Махмуд Кар билдирди.
“Хизб ут-Тахрир – Түркия вилаяты катары биз Сирия маселесин чечүү жана Халаб кыргынын токтотуу үчүн ачык-айкын чечимди сунуштаган элек. Түркия калкы жана мусулмандар биздин чакырыгыбызды жогорку деӊгээлде колдоп-кубатташты. Бирок, Twitter микроблогу бул ишке аралашып “Эй аскерийлер, Халабга көздөй алга” хештегине цензура коюп, күндүн маанилүү маселесинен төмөн түшүрүп койду” деп билдирди Махмуд Кар.
