Казакстанда терроризм үчүн жоопкерчиликти күчөттү
Казакстан парламентиндеги жогорку палатанын депутаттары жума күнү “Казакстан республикасынын экстремизм жана терроризмге каршы күрөшүү боюнча бир катар мыйзам актыларына кошумча жана өзгөртүүлөрдү киргизүү туурасындагы” мыйзам долбоорун экинчи окууда тастыкташты.
Мындан бир аз мурда, Улуттук коопсуздук комитетинин башчысынын орунбасары Марат Колкобаев документ “экстремизм, терроризмге о.э. курал-жарак жана наркотикалык заттардын мыйзамсыз соодасына каршы дагы да жакшыраак күрөшүүгө о.э. бул үчүн кылмыштык жана админстративдик жазаны күчөтүүгө” каратылганын билдирген эле.
Мыйзам долбоорунда терроризм жана экстремизм тармагында мыйзам бузууларды ишке ашыргандык үчүн жазаны күчөтүү көздөлгөн.
О.э. курал-жарак соодасынын жана аны сактоо боюнча көзөмөл да күчөтүлөт. Мындан тышкары, документ ыкчам-иликтөө иштерин жүргүзүп жаткан органга байланыш тармактарын сунуштоо, тармактар жана байланыш каражаттарынын ишин алар оор жана өтө оор кылмыштар ишке ашырылышына алып барышы мүмкүн болгон абалда токтотуп коюу мүмкүнчүлүгүн берет.
Аталган мыйзам долбоору тастыктоо мамлекет башчыга жөнөтүлдү.
