НАТО Россия менен жаңы суук согушту каалабайт
НАТО баш катчысы Йенс Столтенберг ВВС телеканалына берген интервьюсунда “альянс Россия менен карама-каршылыкка барууну жана суук согуш кайталанышын каалабайт” деди.
Ал НАТОнун Чыгыш Европада 4 миң аскерден турган кошумча күчтөрүн жайгаштыруу чечимин “токтотуп туруу сигналы” деп баалады. Анын сөздөрүнө караганда, бу чечим келишпөөчүлүктү күчөтүүнүн ордуна аны жоюуга жардам бериши керек.
Столтенбергдин ишендиришинче, НАТО жетекчилиги Россия анык бир коркунуч туудуруп жатат деп эсептебейт. Альянс, болгону, Россия кошуундарынын Украина аймагына жайгаштырылышына жана Россия Европа мамлекеттерин коркутуш үчүн колдонуп жаткан “ядролук риторика”сына жооп берүүдө.
Ушул аптада НАТОнун 17 мүчө мамлекети Чыгыш Европага қошуундарын жайгаштырууга даяр экендиктерин билдиришкен эле. Маалым болгондой, 2017-жылдын башында Балтика мамлекеттеринде жана Польшада АКШ, Германия, Британия жана Канада командачылыгы астында 4 батальон жайгаштырылат.
Түркистон:
Россия азыр АКШ кызматында. АКШ Сирия кризисинде Россияны ит катары пайдаланып жатат. Ошондуктан, азыр аны Украина тараптагы экинчи фронтко алаксытып кереги жок. НАТО да АКШ куралдарынын бири болгондуктан, Столтонберг Россияны өзүнөн бейгам болууга чакырып жатат. Бирок, Россия жакынкы келечекте, кылган кылмыштары менен биргеликте, жалгыз өзү калат. АКШ аны пайдаланып бүткөндөн кийин Россияны Сирияда баткакка батырып жиберет.
