Роя гезитинин 2015-жыл, 9-декабрь, шаршембидеги 55-санынан:
Керри: Россиянын Асадды колдоп-кубатташы Хизбулла менен Иранды колдоп-кубаттоо дегени
Америка тышкы иштер министри Жон Керри Россиянын Сирия режимин колдоп-кубаттоо менен Хизбулла жана Иранды да колдоп-кубаттап жатканы – эгерде Россиянын суннийлер дүйнөсү менен алакаларын сактап калуу ниети болсо – жакшы эместигин айтты. Андан соӊ, ушул айда Нью-Йоркто Сирия кризисине тиешелүү сүйлөшүүлөр өткөрүлө тургандыгын баса белгиледи.
Керринин кошумча кылышынча, Сириядагы сунний оппозицияны Асад режимине каршы чабуул кылуудан токтотууга орун жоктугун Россия менен Иран түшүнүп жетиши керек. Андан соӊ, ал ушул айда Нью-Йоркто болуп өтө турган Сирия келчегине байланыштуу сүйлөшүүлөрдө Россия менен Ирандын катыша тургандыктарын билдирди.
Керри өткөн ишеби күнү Вашингтондогу «Brookings Institution» институтундагы конференцияда сүйлөгөн сөзүндө эл аралык коомчулук Сирия кризисин чечүүдө иш-аракетин улантышы зарыл экендигин баса белгиледи. (Ал-Жазира нет).
Роя гезитинин комментарийи:
Америка тышкы иштер министри Иран менен анын Ливан жана Ирактагы куурчактары Асадды кулап кетүүдөн коргоо үчүн Сирияга кудум Американын ыктыярынан тышкары киришкендей сүйлөп жатат! Россиянын аралашуусу да ушундай. Анткени, Россиянын Сирияда эч кандай саясий таасири жок болуп, ал жердеги режим Америкага көз каранды режим болуп эсептелет. Американын айла-амалдарынын бири ушул, ал бул иштерди парда артынан туруп башкарууда. Ошол себептен да суннийлерге “региондогу күрөш суннийлер менен шиалар ортосундагы күрөш, Иран менен Россия жыландын башы, Американын болсо Сирия калкын Асад режиминин зулумдарынан куткаруучу” деп көрсөтүүдө. Ошондуктан, Сириядагы Америка саясатын ачып таштоо керек. Бул болсо, Асад режими Америкага көз каранды экендигин, Кошмо Штаттар альтернатива даяр болгонго чейин бул режимди колдоп-кубаттап жатканын, Иран, Ирак, Түркия жана башка кол астындагы мамлекеттерден мына ушул максатта пайдаланып жатканын, муну ишке ашырууда ага Россия сыяктуу мамлекеттер жардам берип жатканын көрсөтүп берүү менен болот.
