Рашод кары (Аллах ал кишиге чырайлуу сабыр берсин) түрмөдө жаткан кезде сабырдуулук көрсөтүү менен бир катарда түшүнбөстүк жана каталарга да жол берди.
Биздин сайтка окурмандардан келип жаткан кабарлардын арасында Рашод Камаловдун жакындарынан болом деген жана атын жашырууну суранган окурманыбыз кызыктуу жана сабак боло турган бир катар жаңы маалыматтарды жибериптир.
Катта айтылышынча, Рашод карынын түрмөдөгү жашоосу бир катар саясий оюндар жана окуялар менен уланып жаткан экен. Алгач Рашод карыга өтө жумшак мамиледе болушкан, андан соӊ ага каршы бир катар кысымдар башталган. Орган кызматкерлери тарабынан жүргүзүлүп жаткан кысым жана жаманатты кылуулар менен бир учурда камактын түнкү кожоюндары болгон “уурулар” идеясы негизиндеги кылмыштуу топтун мүчөлөрү тарабынан да ага карата кысым көрсөтүүлөр болгон. Биз буга чейин да төмөнкү макалада бул тууралуу жазган элек.https://uz.turkiston.info/2015/06/19/roshod-ori-kamolovning-sud-zharayoni-uz/
Кыргызстан өкмөтү Ислам чырагын өчүрүү максатында, же болбосо анын жарыгын алсыратуу максатында түрмөнүн ичин да өз колуна алды. Бул үчүн алар өз жолдоруна жүрүүгө ыраазы болбогон кылмыш дүйнөсүнүн авторитеттерин жок кылышты.Кээ бирлерин болсо башка өлкөлөргө качып кетүүгө мажбур кылып, ал тургай, бирөөсүн ошол жерге барып өлтүрүп да келишти.
Рашод карыны да камакка алышкандан кийин ыйманын сындыруу үчүн бир катар аракеттерди жүргүзүштү. Бул ишти эптей алышпаган соӊ, ага карата айла-амал иштерин уюштурушту.
Парламенттик шайлоонун астында бир катар орган кызматкерлери (азырынча атын жазбадык) жана өкмөттүк кызматкерлер биргеликте Рашод карыны Кара-Суу шаарындагы бир расмий мекемеге алып келишкен. Аны ал тургай үйүнө алып келип, белгилүү мөөнөткө үй-бүлөсү менен болууга уруксат беришкен. Бул топтун өкүлдөрү Рашод Камаловдун кадыр-баркынан пайдаланып калууга умтулуп, ага СДПК партиясы үчүн иштеп берүүнү сунуш кылышкан. Мунун акысына болсо, аны сот залынан азат кылып жиберүүгө убада беришкен. Катта айтылышынча, алардын бул сунушунан жогорку даражалуу чиновниктер, ал тургай, биринчи даражадагы адамдар да кабардар болуп, ага ыраазы болушкан имиш. Өз кезегинде соттук жараяндар да шайлоодон кийинкиге белгиленген.
А бирок, сот карыны азаттыкка чыгарбады,тескерисинче, Кара-Суу райондук соту Рашод карыны 5 жылга жатак абакка өкүм кылган болсо, прокурордун арызы боюнча болуп өткөн соттук отурумда областтык сот Рашод карыны 10 жылга эркинен ажыратты.
Түпкүлүгүндө, Рашод карыны камоодон максаты аны оӊой эле бошотуп жиберүү эмес болчу. Алардын максаты бул үлгүлүү имамды камакка алуу менен калган имамдарды коркутуу жана өз жолдоруна жүрүүгө мажбурлоо болчу. О.э. жок эле дегенде аларды бузук кайры исламий максат жана аракеттерге кыӊ дебей моюн суна турган кылып алуу болчу. Аларды моюн сундуруу менен эле чектелбестен, өз кылмыштарында шерик кылып алып, Исламга каршы күрөштө алдыӊкы катарда жүрө турган манкурттарга айландырып алмакчы болушкан. Алар ушул күндө максатынын бир бөлүгүнө жетишти десек да болот. Бир катар диний активисттер терроризмге каршы күрөш чүмбөтү астында өкмөттүн белгилүү бир тобу менен кызматташа башташты.
Рашод карыга азаттыкты убада кылган фитнакеч топ болсо эч нерсе болбогондой өз иштерин улантып жүрүшөт. Мындан тышкары,бизге жетип келген катта түрмөнүн ички жана тышкы чөйрөлөрү тууралуу өтө тынчсыздандыруучу кабарлар бар. Бул тууралуу кийинки макалаларыбызда токтолуп өтөбүз.
Биздин максатыбыз, өкмөт жүргүзүп жаткан саясат өтө туруксуз жана ишенимсиз экенин эскертип өтүү. Өкмөт кылмыш атына минип алып көп адамды өлтүрүп жиберүүдө. Мындан коркууга түшкөн айрым уламалар Аллах тарабынан фарз кылынган даъват ишин бүтүндөй токтотуп коюшкан болсо, акырет неъматын бул дүйнөнүн арзыбаган матасына алмаштырган башка бөлүгү болсо бул сыяктуу жийиркеничтүү жана шариятка тескери иштерде өкмөткө жардамчы болууга ыраазы болушту.
Башка тараптан УКМКнын отставкадагы генералы Артур Медетбеков башчылыгында Ислам жана мусулмандарга каршы белгилүү бир иштер жүрүп жатат. Бул топ ишин Таблиг жамаатына каршы коомчулуктун арасында терс пикирди пайда кылуу менен баштады. Медетбеков Исламга каршы чыныгы жийиркеничтүү жүзүн ачык көрсөтүп, “мен Исламга эмес, террорчуларга каршымын” деген сөздөрү менен “Кыргызстанда даъватка тыюу салуу керек” деп жар салып жатат. Бул кудум “мен адамдарга зулум кылмакчы эмесмин, болгону алардын колдорун гана кесип коймокчумун” деген келесоо адамдын сөзүнө окшойт.
Ислам дини даъват үстүнө курулган. Ал тургай, Халифалык мамлекети да даъваттын жолу күч менен тосуп коюлган учурда гана күчтү күч менен жок кылуу үчүн жихад кылат. Эгерде даъват тосулбаса мамлекет үчүн жихад фарз болбойт. Жихад даъваттын амалий тарыйкаты болуп эсептелет. (Жихад даъваттын ар дайым илгерилеп барышын камсыздап туруу тарыйкаты болуп эсептелет). Алар Аллахтын нурун (динин) ооздору менен өчүрмөкчү болуп жатышат. Алар айла-амал кылып “биз Ислам динине каршы эмеспиз, биз да мусулманбыз, биз террористтерге каршыбыз” деген сөздөр менен мусулмандарды адаштырмакчы болуп жатышат.
Түрмөлөрдө мусулмандарга каршы зулумдар күчөй баштады. Өкмөткө кызмат кылып жаткан мусулман кызматкерлер эле эмес, өкмөткө жагынууга аракет кылып жаткан бир катар кылмышкерлер да мусулмандарга атайын басым өткөрүп жатканы жөнүндө маалыматтар келип жатат.
Эсибизде болсун, Аллахтын нусраты жакын! Аллахтын уруксаты менен жакынкы күндөрдө кайрадан тикелене турган Халифалык мамлекетинде эч ким пара берүү менен жазадан кутула албайт. Бардыгы – мусулманбы, мусулман эмеспи айырмасыз – өз үлүшүн алат. Акыретте болсо же сыйлык, же жан чыдагыс азаптар болот. Ошол себептен да учурда жаманатты кылуучулардын тарабына өтүп, өз боордошторубузга бир жаман сөз менен болсо да зыян жеткирип коюудан тыйылып турушубуз важиб.
Боордоштор, куф кутура баштады. Ал өзүнүн чыныгы жүзүн ачты жана мусулмандарга каршы биригүү менен зулум жана кыргындарды кылып жатат. Бул куфрдун жеӊиши эмес, тескерисинче, анын жеӊилүүсү. Пайгамбарыбыз Мухаммад саллоллаху алайхи ва салламдын сийратына назар таштаӊыз! Аллахтын нусраты жакындашкан кезде мушриктердин зулумдары да күчөшү сийраттан белгилүү.
Куфр дүйнөсү айла-амалдары иш бербеген соӊ, аскерий кубатын ишке салды. Куфр дүйнөсү бир топ мусулмандарды кыргын кылып жаткан кезде калган мусулмандар сүкүт сактап турушу үчүн өздөрү ойлоп тапкан террорист жана экстремист экендигине аларды ишендирүү, Үммөттү кадыржам кылып берүү кампаниясы жүрүп жатат. Куфр өз малайларынан ушул кайры исламий кампанияларды күчөтүүнү талап кылууда. Аларга акча жана башка кызыкчылыктарды берип жатат. Мунун акысына болсо бизден акыреттеги кызыкчылыктарыбызды күрөөгө коюп турушубузду сурап жатышат. Аларга шерик болуу аркылуу акыретте алар менен бирге тирилип калышыбыз мүмкүн, мындан Аллах сактасын.
Хизб ут-Тахрирдин Кыргызстандагы басма сөз бөлүмүнүн төрагасы
