Россия Президенти Владимир Путин Түркиянын аба чектерин бузган орус самолёту атып түшүрүлгөндөн кийин Лазкиядагы авиа базасына С-300 жана С-400 абадан коргонуу системасын жайгаштырууга токтом кылгандыгын билдирди. Бул тууралуу Россиянын коргоо мининстри Сергей Шойгу билдирди.
“Россия Коргоо мининстрлиги Су-24 самолёту окуясына жооп иретинде атайын иш-чараларды көрдү. “Москва” деген аталыштагы крейсер Лазкия жээктерине жөнөтүлөт. Алдын ала эскертүүчү жана абадан коргонуу системалары бар болгон бул крейсер Россиянын Сириядагы аба күчтөрүн коргойт. Бизге потенциалдуу коркунуч туудурган бардык коркунучтарды бутага алууга даярбыз”, – деди Шойгу.
Россия Президенти Владимир Путин болсо Россиянын “Хмеймим” аскерий базасына С-300 абадан коргонуу системасы жайгаштырылышын билдирди.
“СУ-24 самолёту атып түшүрүлгөндөн кийин ушуга окшогон жаңы абалдардын пайда болушу ыктымалынан көз жума албайбыз. Эгерде ушул сыяктуу абал дагы кайталанса биз албетте жооп кайтарабыз”, – деди Путин.
