Кыргызстан президенти Алмазбек Атамбаев Кремль тарабынан коюлган талаптарды кыӊ дебестен аткарып келе жатканына карабастан, дагы деле Путиндин көӊүлүн таба албай жаткан окшойт.
Атамбаев Россиянын талабы менен Акаев жана Бакиевдин бийликтен кетишине себеп болгон АКШнын “Манас”тагы аскерий базасын чыгарып жиберген болсо, кийинчерээк, мейли Кыргызстандын кызыкчылыктарына туура келбесе да Евразия экономикалык биримдигине мүчө болду. Бүгүнкү күнгө келип, жогорудагы уюмга мүчө болуунун зыянын карапайым калк жон териси менен сезе баштады. Мындан тышкары, Атамбаев Сариевдин бийликке келишине эч качан жол бербестиги тууралуу убада бергендигине карабастан, Россиянын талабы менен аны премьер-министр кызматына койду. А бирок, ушунча иштерине карабастан Атамбаев расмий Кремлди ыраазы кыла албай жатат. Ошол себептен да Путин Атамбаевге өзүнө таандык эскертүү жиберди.
Атамбаевге эскертүү жиберилди деп айтышыбыздын себеби, беш жарым жылдан бери маалымат каражаттарынын жана көпчүлүктүн этибарынан четте калып жаткан Кыргызстандын экс президенти Курманбек Бакиев күтүүсүздөн эле пайда боло баштады. Алгач “Кайгым, сүйүүм, үмүтүм – Кыргызстаным” деген китебинин бет ачарын өткөргөн болсо, кечээ күнү “TUT.BY” беларусиялык интернет порталы менен кеӊейтилген маек өткөрдү.
Маек учурунда Курманбек Бакиев Кыргызстанды эл аралык сотко бере тургандыгын айтуу менен коркутуп, өзүнүн бийликтен кетишине жана 2010-жыл, 10-апрель күнү Кыргызстандагы “саясий кырдаалды жөнгө салууда” түздөн-түз катышкан Путиндин атын атап өттү.
Беш жарым жылдан бери Путин жана Лукашенко баанегинде өзүн четте кармап турган Бакиев Путиндин уруксаты жана көрсөтмөсү болмоюнча интервью бериши мүмкүн эмес. Путин Бакиев аркылуу Атамбаевге эскертүү берди. Бул “эскертүүнүн” орус бийлиги тарабынан Сирияда жүргүзүлүп жаткан баскынчылык согуштарына ЖККУга мүчө мамлекеттердин да тартылышы мүмкүндүгү тууралуу кабарлар пайда болгондон кийин жүзөгө чыгышы бекеринен эмес.
Туркистон: Ооба, Кыргызстанга жогорудагыдай басым өткөрүү абалы күчөп барууда. Россия кыргыз бийлигинен талап кылып жаткан иштер жана стратегиялык позициялар ыймансыз адамдар гана аткара ала турган даражада жийиркеничтүү болуп бара жатат. Кыргыз президенти коюлуп жаткан талаптарды аткарууну премьер-министр Сариевге коюп бере баштады. Президент өзүн четке тартып, кезексиз эс алууга чыгып, чет өлкөгө кетип калды. Сариев да Россия коюп жаткан талаптардын көлөмү өтө кеӊ экендигинен жана аны аткаруу үчүн белгиленип жаткан убакыт өтө кыска экендигинен кыйналып бара жатат. Ал Путинге Атамбаевдин кайдыгерлигинен арызданган окшойт. Путин Атамбаевди, жогоруда келгендей, Бакиевди майданга алып чыгуу менен коркутту.
Атамбаев Путин пайдаланып калышы мүмкүн болгон бирден-бир абал Кыргызстанда бийлик алмашкандан кийин экономикалык көрсөткүчтөрдүн төмөндөп бара жатышы экендигин билет. Ошондуктан, бул акыркы жылдардагы экономикалык абалдын жана жарандардын жашоо деӊгээли төмөндөп бара жатышынын чыныгы себебин жарыя кылышы керек. Негизги себеп болсо, Кыргызстандын ЕАЭБге кошулушунан келип чыкты.
Жакшы күмөн кыла турган болсок. Атамбаев Путиндин “мусулмандарга каршы уюштурулушу керек” деп сызып берип жаткан ыпылас долбоорлорун аткаруудан баш тарта баштады. Андан да жакшыраак күмөн кылсак, ал Аллахтан коркуп, куфрдун басымы менен Исламга жана өз жарандары болгон мусулмандарга каршы жалаа жана доомат иштерин аткарып берүүдөн баш тартты!
