Түндүк Атлантикалык аскерий альянсы (НАТО) 16-май күнү Өзбекстандын борборунда өкүлканасын расмий түрдө ачат.
Аскерий альянс өкүлканасынын ачылыш ырасымында НАТОнун Башкы катчысынын Борбор Азия жана Кавказ боюнча өкүлү Джеймс Аппатурай катышат.
Өзбекстан НАТОнун “Тынчтык жолунда кызматташтык” программасына 1995-жылы мүчө болгон. 2008-жылы НАТО Өзбекстан менен мамлекетте сакталып жаткан 1100 тонна меланж-аралашманы коопсуз көрүнүштө жок кылуу туурасында келишим түзгөн. Советтер маалында реактивдик жанылгынын оксиддөөчүсү катары пайдаланылган мындай өтө уулуу заттын запастары өтө жаман шартта сакталып жаткан о.э. айлана-чөйрөгө жана жергиликтүү элдин саламаттыгына тескери таасирин тийгизип жаткан эле.
Афганистанда баскынчылык согушун жүргүзүп жаткан Америка башчылыгындагы эл аралык күчтөрдү камсыздап турууучу “түндүк тармакка” Өзбекстан 2009-жылы кошулган.
Борбор Азия регионунда ээлеген маанилүү орду, өтө чоӊ өлчөмдөгү жер астындагы жана жер бетиндеги байлыктарга ээ болгондугу о.э. Афганистанда жүргүзүлүп жаткан баскынчылык согушунда негизги камсыздоо Өзбекстан аркылуу өткөндүгү себептүү Батыш мамлекеттери президент Каримовдун бардык кылмыштарын көрмөксөн болуп келишет.
