20-май күнү Кыргызстанда мамлекеттик мекемелердин жана диний башкармалык өкүлдөрүнүн диний радикалдашууга каршы күрөш маселелери боюнча биринчи жумушчу жолугушуусу болуп өтөт.
Ислам изилдөө илимий институтунун 16-май күнү кабар беришинче, жолугушууда укук коргоо органдарынын өкүлдөрү, жарандык коомдун өкүлдөрү жана эксперттер катышат.
Жолугушууда мусулмандар ортосундагы пикирий карама-каршылык, Исламдын саясатташтырылуусу, радикалдашууга каршы укук коргоо органдары менен диний мекеменин өз ара кызматташтыгы, диний экстремизм проблемаларынын академиялык изилдөөлөр абалы сыяктуу маселелер талкууланышы күтүлүүдө. О.э. диний тармакта радикалдашуунун алдын алуу үчүн бардык тараптардын өз ара толук кызматташуусу зарыл экендиги кабарланууда.
Туркистон:
Бүгүнкү күндө Кыргызстанда Ислам дининин таасири күчөп, коомдун бардык катмарында, айрыкча жаштар арасында Ислам динине болгон кызыгуу, аны ибадат жана адеп-ахлак эле эмес, балким өз түзүмүнө ээ болгон мабда катары түшүнгөндөрдүн саны көбөйүп барууда. Бул жараян өкмөттүн тынчын алышы анык. Ошондуктан да өкмөт башчылары Ислам динине каршы күрөштө “балтанын сабын өзүнөн чыгарууга” аракет кылууда.
Ал үчүн эӊ ыӊгайлуу жол, Ислам динин ибадат жана адеп-ахлактан турат деп түшүнө турган о.э. светтик коом менен Исламды ылайыкташтырууга аракет кыла турган жана өкмөт сызып берген жолдон чыкпай турган имамдардан пайдаланууга аракет кылышы табигый көрүнүш.
Мындай ыкма Өзбекстанда көптөн бери колдонулууда. Каримов өзүнүн 24 жылдан ашкан башкарууусу доорунда Өзбекстандагы айрым дин уламаларын өзү каалагандай сүйлөтүп келе жатат. Бул дин уламалары жана имамдар болсо Каримов чыгарган ар кандай токтом же мыйзамдарды Аллахтан келген өкүмдөй, Куран жана Хадисти таъвил кылып, бул мыйзамдарга ылайыкташтырып, мусулмандарды адаштырууда бири-биринен озуп кетишти. Ал тургай, “хижаб арабдардын улуттук кийими, мектеп, колледж жана лицей окуучуларына намаз окуу о.э. Жума намазына баруу фарз эмес” деп фатва бергенге чейин жетип барышты.
Каримов менен кызматташууну каалабаган жана Акыретин бул дүйнөнүн арзыбаган матасына алмаштырууну каалабаган көптөгөн аалымдар болсо камакка ташталды, куугунтукталды, же болбосо жок кылынды.
Биз Кыргызстандагы дин уламаларын да Акыреттерин арзыбаган дүйнө матасына алмаштырбастыкка, ыймандарын жоготпостукка о.э. Имам Абу Давуд жана Термизий Абу Дарда розияллоху анхудан риваят кылган хадисте Расулуллах саллаллоху алайхи ва саллам: “Ким илим талап кылып, жол жүрсө, Аллох Таала ага бейишке бара турган жолун жеӊил кылып коёт. Периштелер илим алуучуун кылып жаткан иштеринен ыраазы болуп, канаттарын коюп турушат. Аалым кишиге бардык нерсе, ал тургай суудагы балыктар да истигфар айтып турушат. Аалым кишинин абидден – т.а. илими жок, бирок ар дайым ибадатта болуучу – адамдан артыкчылыгы, айдын башка жылдыздардан артыкчылыгына окшойт. Албетте, аалымдар пайгамбарлардын мураскору, пайгамбарлар динар, дирхамдарды мурас кылып калтырышпаган, алар илимди калтырышкан, кимде-ким аны алган болсо насибесин толук алыптыр”, – деп айткандай чыныгы мураскор болууга чакырабыз.
