“Азаттык” радиосу таркаткан кабарда айтылышынча, Эл аралык Амнистия адам укугун коргоочу уюму Россияда БУУдан расмий түрдө качкын макамын алган 45 жаштагы өзбекстандык Умид Якубов 29-апрель күнү Москва көчөлөрүнүн биринде уурдалып кеткендиги жөнүндө билдирди. Уюмдун баса белгилешинче, Өзбекстан прокуратурасы Якубовду Хизб-ут-Тахрир исламий партиясына мүчө болгондукта айыптаган.
Эл аралык Амнистия уюмунун расмий адамынын айтымында, 29-апрель күнү өзбекстандык качкын Умид Якубовду үч киши күч менен машинага отургузуп кеткен жана күбөлөрдүн айтымында, бул үч адамдын бири полиция кийиминде болгон.
Эл аралык Амнистия уюмунун билдирүүсүндө: “Умид Якубов 29-апрель күнү БУУнун Качкындар боюнча жогорку комиссарлыгына башка мамлекеттен башбаанек алуу үчүн бара жатканда полиция кызматкери ал бара жаткан машинаны токтоткон. Полиция айдоочунун документтерин текшерип жатканда үч киши Умид Якубовдун жанына келип, микроавтобуска отургузуп алып кетишкен”, – деп айтылат.
Ошондон бери Якубовдун тагдыры белгисиз бойдон калууда. Эл аралык Амнистия уюму “бул адам өзбек коопсуздук кызматкерлери катышуусунда уурдалып, Өзбекстанга алып кетилген болушу мүмкүн” деп тынчсызданууда.
Туркистон:
Материалдык кызыкчылыктар үстүндө бири-бири менен келишпесе да, а бирок, өзүнө негизги атаандаш катары тандап алган Ислам жана мусулмандарга каршы күрөштө куфр мамлекеттери ар дайым биригүүгө жана өз ара жардамдашууга даяр турушат, ал тургай, бул көрсөтүп жаткан жардамдары өздөрү иштеп чыккан жана кабыл алган мыйзамдарга тескери болсо да.
Негизинен Ислам жана мусулмандарга каршы күрөшүү үчүн түзүлгөн Шанхай кызматташтык уюму (ШКУ)га мүчө болгон Россия жана Өзбекстандын күч органдары Ислам жана мусулмандарга каршы күрөштө кыйладан бери кызматташып келет. Өзбекстан Улуттук коопсуздук кызматы кызматкерлеринин Россия аймагында беймарал жүрүшү, өздөрүнө керек болгон адамдарды көчөдөн жана ал тургай атайын корукталып жаткан камактардан да эч кандай кыйынчылыксыз уурдап кетиши о.э. ар кандай чегара көзөмөлүсүз жана текшерүүлөрсүз Өзбекстанга алып кетиши да мына ошол уюмга мүчөлүгүнүн “шарапаты” менен болууда.
Канкор Каримов режиминен Өзбекстан ичкерисиндеги эле эмес, балким, залимдин зулумунан качып чет мамлекеттерге чыгып кеткен жана ал тургай өздөрүн “эгемендүү”эсептей турган кошуна мамлекеттин жарандары болгон мусулмандар да аман калбай жатат. Ош областынын Кара-Суу шаарындагы “Ас- Сарахсий” жоме мечитинин имамы шейит Рафик кары Камалов, Швецияда өз үйүнүн астанасында атып кетилген жана бүгүнкү күнгө чейин комада жаткан Абид кары Назаровдор да ушул канкор режимдин курмандыктары болуп эсептелишет.
Кечээ күнү болсо Кара-Суу шаарында шейит Рафик карынын уулу Рашад кары Камаловго кол салуу үчүн келген Өзбекстандын атайын кызматынын кызматкери кармалды. Бул наалаты тыӊчы Рашад кары жана дагы бир нече мусулмандын өмүрүнө кол салуу үчүн келгендигин ачык моюнга алды жана качан гана Ички иштер бөлүмүнө барып жаӊжал чыгарганга чейин Кара-Суу шаардык милициясы аны колго түшүрүүгө батына албады.
Мусулмандар биригип өздөрүнүн акы-укуктарын жана мал-жанынын коопсуздугун кепилдеп берүүчү Халифалык мамлекетин тикелегенге чейин колонизатор мамлекеттер жана алардын жугундукор малайлары тарабынан куугунтуктоого жана кысым көрсөтүүгө дуушар боло беришет. Мусулмандарга каршы ишке ашырылып жаткан уурдап кетүү, кыйноого салуу, акаараттоо жана өлтүрүүлөрдүн алдын ала турган жана өз жарандары болгон мусулмандарды коргой ала турганжападан-жалгыз күч – бул Халифалык мамлекети.
