Президенттин маалымат кызматынын кабар беришинче, Кыргызстандын президенти Алмазбек Атамбаев 29-январь күнү ЖККУнун башкы катчысы Николай Бордюжаны кабыл алды.
Жолугушууда уюмга мүчө мамлекеттердин региондогу коопсуздукту бекемдөөдөгү кызматташтыгы жана Афганистандагы кырдаалдын өнүгүшүн эсепке алган абалда ЖККУга караштуу аймактарда туруктуулукту камсыздоо маселелери талкууланды.
Мындан тышкары, жолугушууда жүрүшүндө ЖККУга мүчө мамлекеттердин чегаралар аралык кызматташтык маселелери да көрүп чыгылды.
Туркистон:
Ca-news(kg) кабар таркатышынча, Кыргызстандын экс премьер-министри Игор Чудинов 28-январда берген маалымат жыйынында: “ Бизди учурда кайсы уюм чакырып жатат? Кыргызстандын “Бажы биримдиги” менен экономикалык интеграциялоону көздөй баруу зарылдыгы жөнүндө эч ким күмөн кылып жаткан жок. Эмне башка жол барбы? Же башка сунуштар барбы? Башка жол жок. Болгону Бажы биримдигине кошулганыбыздан келип чыгышы мүмкүн болгон кооп-коркунучтар жөнүндө пикирлеп жатабыз. Эмне Бажы биримдигине кошулбастыкта коркунуч жокпу?..” – деди.
Ооба, Бажы биримдигине кошулбастыгыбызда да кошулганыбызда да реалдуу коркунучтар бар. Россия өзүнүн күчүктөрүнүн оозу менен ачык басым өткөрө баштады. Чудиновдун сөздөрүнө караганда, Батыш тарабы да бизге бирер пайдалуу жардам көрсөтүү сунушун көтөрүп чыгып жаткан жок. Демек, ал да экинчи тараптан басым өткөрүүнү улантат. Кыргызстандын учурдагы саясий элитасы болсо, эки тараптан келе турган кооп-коркунучтун кайсы бири коркунучтуураак экени тууралуу пикирлеп жатат.
ЖККУ башкы катчысы Бордюжа да Бажы биримдигине мажбурлоо үчүн өткөрүлүп жаткан басымдардын таасирин текшерүү үчүн жана керек болсо Тажикстан аркылуу дагы басым өткөрүүнү улантуу үчүн келди. Кыргызстандын аброю, ал тургай, жашыруун басым өткөрүү даражасынан, теӊсинбестик менен ачык басым өткөрө турган мамлекет даражасына түштү. Бордюжа Тажикстанды кыргыз делегациясына ушундай мамиле кылдырды дейсиӊ, Россия чындап эле эмбарго кыла алышы мүмкүн экендигинен Кыргызстандын кооптонушу күчөп кетти.
