Жергиликтүү өкмөт өкүлдөрүнүн сөздөрүнө таянган абалда Press TV телеканалынын кабар беришинче, Иракта ишемби күнү ишке ашырылган бир катар жардыруулардын натыйжасында 78 киши курман болгон.
Ирак Ички иштер министрлиги: “Жакынкы Чыгыш мамлекеттериндеги кырдаалды изден чыгаруу максатында согушкерлер ачык согушту башташты”, – деп билдирүү таркатты.
РИА Новости маалымат агенттигинин билдиришинче, Багдаддын түндүгүндө жүз берген жардыруу булардын эӊ кандуусу болду. Согушкерлер көрүстөнгө бара жаткан адамдарды бутага алышкан. Кеминде 51 адам, ошону менен бирге 4 полициячы бул чабуулдун курмандыгы болушту, 70тен ашык адам жарадар болду.
Мына ушул террорчулук аракети менен бир убакта Ирактын борборунан 80 км түндүктө жайгашкан Балад шаарындагы кафелердин биринде жарылуу болду. Кеминде 13 адам курман болуп, 20дан ашык адам жарадар болду. Мамлекеттин дагы башка калктуу аймактарындагы жардырууларда 10дон ашык адам курман болгон.
“Шейиттер үчүн өч алуу” иш-аракети алкагында Ирак коопсуздук күчтөрү акыркы убактарда атайын операция өткөрдү, мунун натыйжасында Багдад жана анын айланасынан “Ал-Каида”га байланышы бар деген шылтоо менен жүздөгөн адамдар камакка алынды. Бул иш-чаралар шиъа өкмөтү тарабынан негизинен суннийлер жашаган аймактарда өткөрүлгөн эле.
Расмий маалыматтар боюнча, Иракта жыл башынан бери 4600дөй адам зомбулуктун курмандыгы болгон.
Туркистон: Өзүнүн аскерий кубатына таянуу менен оӊой жеӊишти көздөп, Иракка бастырып кирген АКШ өкмөтү бул жерде мусулмандардын күчтүү каршылыгына дуушар болду о.э. бул каршылык аракеттерин жеӊе албай баткакка батып калды.
Ошондон кийин Ирактан күчтөрүн алып чыгып кетүү жана ошону менен бирге бул жерде өзүнүн таасир жана кызыкчылыктарын сактап калуу үчүн өзүнүн жийиркеничтүү айла-амалдарынын бири болгон мусулмандар арасына мазхабчылык отун жакты.
Ушул максатта АКШ Ирактагы башкарууну жана күч органдарынын бардыгын шиалар колуна тапшырып, алардын колу менен суннийлерди куугунтуктоону баштады.
Өз кезегинде суннийлер да өздөрүнүн акы-укуктары тебеленип жатканын шылтоо кылып, шиаларга каршы күрөштү баштап жиберишти. Мусулмандар өздөрүнүн чыныгы душманы ким экендигин айырмалай албастан өз ара душмандашып калышы Иракта Америка кадамын бекемдеди жана бул колонизатор тарабынан коюлган малай өкмөтткө жүктөлгөн милдетти – Иракты бөлүп таштоону – ишке ашырууга мүмкүнчүлүк жаратты.
