Tengrinews.kz кабарчысы Атырау областынын кылмыш иштери боюнча атайын түзүлгөн район аралык соттун басма сөз кызматына таянып маалымдашынча, Атырауда Сирияга согушка барууну пландаштырып жаткан 8 жаран үстүнөн сот өкүмү чыгарылды.
Сот соттолуучулардын жетисин «Терроризмге» байланыштуу беренелер боюнча күнөөлүү деп таап, 18 жылдан 23 жылга чейин эркинен ажыраткан.
Бул топтун сегизинчи мүчөсү «Кылмыш тууралуу билдирбөө» беренеси менен күнөөлүү эсептелип, бир жылга шарттуу түрдө өкүм кылынып, сот залында бошотулуп жиберилген. Баса белгиленгендей, соттолгондордун баары 20дан 38 жашка чейинки Атырау областынын тургундары болгон.
