بِسْمِ اللهِ الرَّحْمٰنِ الرَّحِيمِ
Кемалчылардын илманийлиги менен Эрдагандын илманийлигинин айырмасы!
Кемалчылардын илманийлиги (т.а. Европа илманийлиги) менен Эрдагандын илманийлиги (т.а. Америка илманийлиги) ортосунда бир айырма бар. Кемалчылардын илманийлиги атеизм менен бирдей болуп, турмуштун бардык тармагында диндин ар кандай көрүнүшүн четке кагат… Бул мусулмандардын сезимине тийүү болуп, алар ачыктан-ачык, бетпактык жана арамзалык менен Исламга душмандык кылышат. Ошондуктан, мусулмандар кемалчылардын илманийлигин жана анын тарапкерлерин бүтүндөй четке кагуучу позициясын карманышат. Негизи, мусулмандар арасында анын жылдызы өчтү, алхамду лиллахи Роббил аламин.
Ал эми, Эрдагандын илманийлигине келсек, ал мусулмандарга турмуштун жеке иштеринде исламий туйгуларды аткарышы үчүн кичине бир жылчык калтырат. Бирок, мамлекет жана коом системаларында Эрдагандын илманийлиги кемалчылардын илманийлиги менен бирдей. Алар экөөсү тең адамды кудайлаштырып, мыйзам чыгаруу о.э. халал жана харамды белгилөөнү инсанга тапшырат. Бул болсо, шексиз Куръанга тескери келет. Анткени, Аллах Таала:
﴿إنِ الْحُكْمُ إِلاَّ للهِ أَمَرَ أَلاَّ تَعْبُدُوا إِلاَّ إِيَّاهُ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لاَ يَعْلَمُونَ﴾
«Өкүм Аллахка гана таандык. Ал силерди Ага гана сыйынууга буюрган. Эң туура дин мына ушул. Бирок, адамдардын көпчүлүгү муну билишпейт» [12:40]
деп хадал-харамды белгилей турган мыйзам түзүүчү жалгыз Аллах экенин баян кылган.
Европа илманийлиги менен Америка илманийлиги, экөөсү тең бүткүл адамзат проблемаларынын жана кризистеринин себепчиси. Заманыбыздагы кырсыктар, мусибаттар, азап-кыйынчылыктар, фитналар, башламандыктар, согуштар, жардыруулар жана өмүргө кол салуулар, баары ушул илманийликтен келип чыккан.
Мусулмандар жана дүйнөдөгү адамдар үчүн бул абалдан чыгуунун жолу – алардын жаратуучусу түзүп берген түзүмдү колдонуу. Себеби, алардын жашоосун эмне оңдошун алардын Жаратуучусу гана билет.
﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾
«(Акыры) жараткан Зат (Өзү жоктон бар кылган нерселерди) билбейби?! Ал мээримдүү жана (ар нерседен) кабардар» [67:14]
Адамга жаратуучусу тарабынан берилген түзүм гана туура түзүм болуп, ал гана адамзатты кыйноого салган проблемалары эч качан түгөнбөгөн капитализм жана илманийлик зулумунан чыгуунун жолу. Бул үчүн Хизб-ут-Тахрир жетекчилигинде Пайгамбарлык минхажы негизиндеги экинчи рошид Халифалыкты тикелөө керек. Халифалык бардык проблемаларды түп-тамырынан чечип, дүйнөгө коопсуздук, тынчтык, туруктуулук жана катыржамдык алып келет.
Роя гезит, №441, 2023-жыл, 3-май.
