Ливияны куткара турган чыныгы тарыхий чечим – Аллахтын шариятын өкүм чыгаруучу кылуу
«Спутник» сайты хижрий 1441-жылы 30-шаъбан, миладий 2020-жылы 23-апрель күнү жарыялаган кабарга ылайык, бейшемби күнү отставкадагы генерал-майор Американын малайы Халифа Хафтар ливиялыктарды «тарыхий» деп атаган чечимге чакырды. Анын айтымында, бул нерсе Ливиядагы абалды жарандык мамлекетке жол ачкан конституциялык декларацияга ылайык башкарууга каратылган. Ал: «Президенттик кеңештин аракеттери саясий келишүү укугу бүтүшүнө негизги себеп болду», – деди. Хафтар телевидениеге айткан жана «Ливия 24» сайты жарыялаган бул билдирүүсүндө «президенттик кеңеш – саткын жана малай, себеби, ал Түркия армиясын жардамга чакырды» деп баса белгиледи. О.э. Ливиядагы саясий жана экономикалык абалдын ойрон болгондугунун жоопкерчилигин Вифак өкмөтүнүн президенттик кеңешине жүктөдү.
Роя гезити:
Ливиядагы күрөшүп жаткан тараптар чет элдик күрөшүүчүлөрдүн куралдары болуп, бул күрөштүн өлкө калкына таптакыр байланышы жок. Мисалы, Сарраж да, Хафтар да малайлыкта бири-биринен айырмаланышпайт. Анткени, Сарраж өкмөтү өлкө сыртында түзүлүп, кийин Европа коргоосу астында алынып келинген. Хафтар болсо Америка малайы экени баарына белгилүү. Ливия жана башка мусулман өлкөлөрүндөгү саясий сахна Исламдын саясий турмуштан канчалык алыстаганын көрсөтүп турат. Адамдар ортосундагы мамилелердин негизи пайда болуп, бул нерсе көпчүлүк мусулмандарды ушул өткүнчү бийликке келип, күрсүгө отуруу үчүн колонизатор кафирлердин кучагына кирүүгө үндөдү, ал тургай, бул Умматтын жана анын дининин зыянына болсо да. Бул саясатчылар өз тагдырларын колонизаторлордун колуна тапшырышкан, алар Умматтын абалын таптакыр оңдошпойт, өнүктүрүшпөйт. Ливияда күрөшүп жаткан тараптар да кудум ушундай. Өлкө ресурстарын жана нефть байлыктарын тынымсыз талап-тоноп, өзгөрүүгө суусаган жаштарды адаштырып жаткандар – ушул өз ара күрөшүп жаткан тараптар. Демек, кеч болордон мурун, эс-акылына келе турган ким бар?!
Роя гезити, №284, 2020-жыл, 29-апрель.
