Малайзия менен Түркия мисирлик жигиттерди өлтүрүүдө Сисий менен тил бириктирди

Малайзия менен Түркия мисирлик  жигиттерди өлтүрүүдө Сисий менен тил бириктирди

«Ал-Жазира нет» сайты хижрий 1440-жылы 29-жумадус-саний, миладий 2019-жылы 6-март күнү жарыялаган кабарда мындай делет:

«Малайзия өкмөтү Мисир өкмөтүнүн талабына ылайык төрт жылдан бери Малайзияда жашап жаткан төрт мисирликти Мисирге экстрадиция кылды: Мухаммадфатхий Ийд, Абдуллах Мухаммадхашим, Абдуррахман Абдулазиз жана Азмий Саидмухаммад. Алар Мисирдеги аскерий төңкөрүшкө каршы чыгышкан, аларга карата өмүр бою эркинен ажыратуу өкүмү чыгарылган.

Түрк бийлиги да өткөн февраль айында Мухаммад Абдулхафиз ысымдуу мисирлик  жигитти – эки жазага өкүм кылынып, алардын бири өлүм жазасы өкүмү экенине карабастан – Каирге депортация кылган.

Мисир режими 2013-жылы 3-июлдагы төңкөрүштөн соң өлкөдө башталган репрессиячыл саясаты артынан чет элге качып чыккан миңдеген оппозициячыларды куугунтуктап келет. Мисир режими алардын бир канчасын экстрадиция амалияты аркылуу кайтарып алууга жетишти. Бул нерсе адам укуктарынын коргоочулары тарабынан көптөгөн сындоолорго кабылды».

Роя гезити:

Түркия менен Малайзия режимдери Уммат перзенттерин – камакка алышы, кыйноолорго салышы жана өлүмгө өкүм кылышы үчүн – Мисир фиръавны Сисийдин колуна тапшыруу аркылуу пакиза кандарды төгүшүнө жардам беришүүдө. Бул нерселер колонизатор кафир Батыштын таасирин бекемдөөнү жана анын өлкөлөрүбүздөгү кызыкчылыктарын камсыздоону көздөйт. Албетте, бул окуя алардын колонизатор мамлекеттердин малайы экендигин тастыктаган кезектеги далил. Алар Ислам Умматына каршы кресттүүлүк согушунда колонизаторлорго кызмат кылышууда.

Эй Ислам Умматы, мусулмандардын каны төгүлүшүн токтотуу жана колонизаторлорду мусулман өлкөлөрүнөн кууп чыгаруу үчүн бул залим жана жуундукор режимдерди тамыры менен кулатуунун жана Пайгамбарлык минхажы негизиндеги рошид Халифалыкты тикелөөнүн убагы келбедиби?!

Роя гезити, №225, 2019–жыл, 13–март.