Бокоев: Өзбекстандык жумушчуларды патент системасына өткөрүү керек
“Республика-Ата Журт” фракциясынын депутаты Кенжебек Бокоев Жогорку Кеңештин жыйынында Кыргызстанга келип иштеп жаткан өзбекстандыктарга патент системасын киргизүүнү сунуштады.
Депутаттын айтымында, учурда Кыргызстанда иштеп жаткан өзбекстандыктардын саны 100 миңге жетет.
“Кыргызстандыктар Россияда патент менен иштейт. Биз да Өзбекстандан келген 100 миңге жакын эмгек мигранттарына патент берсек болот. Мен бул тууралуу Миграция кызматынын өкүлдөрү менен сүйлөштүм. Алар да туура көрдү. Эгер бир айда 500 сомдун тегерегинде коё турган болсок, 50 миллион сом түшүп турат”, – деди депутат.
Бокоев ошондой эле чек арадагылар Кыргызстанга кирип келе жаткандардан 2000-5000 сомдун тегерегинде пара алып коюп жатканын жарандар өздөрү да айтып жатканын кошумчалады.
Кыргызстандын Мамлекеттик салык кызматынын маалыматына ылайык, Кыргызстанда чет өлкөлүктөр да патент алып иштесе болот. Бирок, ал үчүн алгач Мамлекеттик миграция кызматынан уруксат алышы, андан соң Мамлекеттик каттоо кызматынан каттоодон өтүшү жана ошондон кийин салык кызматына кайрылышы керек.
Кыргызстан күч түзүмдөрү Хизб жигиттерин адамгерчиликсиз кыйноолорго алууда Кыргызстан күч түзүмдөрү УКМК башчылыгында 26-ноябрь күнү…
Доктор Кунайбинин Сириядагы акыркы кырдаал тууралуу билдирүүсү Доктор Ияд Кунайби Сирияда жүз берген окуялар жана…
Мамлекеттик карыз жети миллиард долларга жакындады 2024-жылдын 30-сентябрына карата Кыргызстандын мамлекеттик карызы 6 млрд 617…
Бисмиллаахи рахмаанир рахиим Асыл хадис менен Амирлик (экинчи бөлүк) Урматтуу бир туугандар “Асыл хадис менен”…
Бисмиллаахи рахмаанир рахиим Асыл хадис менен Урматтуу бир туугандар “Асыл хадис менен” берүүбүздүн жаңы чыгарылышын…
Басма сөз баянаты Таң караңгылыкты жарып Суданда Англия-Америка колонизаторлук күрөшү болуп жатканын ачыктады Британия тарабынан…