Трамп: АКШ НАТОго ишенимдүү бойдон калат
АКШ президенти Дональд Трамп АКШнын НАТОго ишенимдүүлүгүн баса белгиледи. Бул тууралуу “Анадолу” агенттиги кабарлаган.
Ал ошондой эле,уюмга мүчө 29 мамлекет коргонуу чыгымын көбөйтүүгө ыраазы болгонун жана НАТОнун коргонуу чыгымдарынын 90 пайызын АКШ төлөп жатканын билдирди.
Буга чейин, АКШ президенти Дональд Трамп эгерде мүчө мамлекеттер коргонуу чыгымдары туурасындагы милдеттенмелерин аткарышпаса, “АКШ өз жолу менен кетерин” айтып коркуткандыгы кабарланган.
Натого караштуу булактардын билдиришинче, мүчө өлкөлөрдүн жетекчилери Трамптын бул кылыктарына нааразылыктарын билдиришкен. Бул карама-каршылык уюмдун Украина жана Грузия менен болуп өтүшү пландаштырылган кезексиз жолугушуусун кечиктирүүгө себеп болгон.
Трамп өз мамлекети НАТОнун толук кандуу мүчөсү экендигин баса белгиледи. О.э. уюмга мүчө мамлекеттердин 29у коргонуу бюджетин көбөйтүүгө ыраазы болгонун жана АКШ аталган уюмдун коргонуу чыгымдарынын 90 пайызын төлөшүн билдирди.
Мындан бир аз мурда, Трамп НАТОго мүчө мамлекеттерди уюмдун коргонуу чыгымдары жаатындагы милдеттенмелерин аткарууга чакырган эле. Мүчө мамлекеттер НАТОнун коргонуу чыгымдарына Ички дүң продукциясынын 2 пайызын ажыратышы керек.
НАТОго мүчө мамлекеттердин башчылары шаршемби күнү 2024-жылга чейин коргонуу чыгымдарын 2 пайызга көтөрүүгө ыраазы экендигин билдиришкен. О.э. Дональд Трамптын коргонуу чыгымдарын 4 пайызга көтөрүү талабын жоопсуз калтырышкан.
