Яхудий гезити: Саудия шахзадасы Мухаммад бин салман Нетаняху менен жашыруун жолугушуу өткөрдү
(Израил)де чыгуучу “Маариф” гезити Саудиянын мураскор шахзадасы Мухаммад бин Салман дүйшөмбү күнү Амманга сапары учурунда (Израил)дин премьер-министри Бенямин Нетаняху менен жашыруун жолугушуу өткөргөндүгүн кабарлады. Гезитте жазылгандай, Иордания королунун сарайында уюштурулган жолугушуу АКШ президенти Дональд Трамптын күйөө баласы Жаред Кушнердин (Израил)ге сапарынын алкагында болуп өткөн.
Гезиттин саясий аналитиги Жеки Хоге Мухаммад бин Салмандын Амманга сапары учурунда Иордания королу өз сарайында Нетаняхуну күтүп жатканы тууралуу жазды. Кабарларда келишинче, Ак үйдүн башкы кеңешчиси жана АКШ президентинин координатору Жаред Кушнер Иордания, Саудия жана Мисирге сапарынан кийин ошол эле күнү түштөн кийин АКШнын Жакынкы Чыгыштагы элчиси Жейсон Гринблатт менен биргеликте Нетаняху менен жолугушкан.
Мухаммад бин Салман Трамптын күйөө баласы Кушнер менен 20-июнь күнү жолугушкан эле. “Араб Ньюс” маалымат агенттигинин кабарына ылайык, Мухаммад бин Салман АКШ админстрациясынын Жакынкы Чыгыштагы делегациясы менен Палестина-(Израиль) маселесинде АКШ жана Саудия кызматташтыгын күчөтүү маселесин талкуулашкан.
(Израил)ге ишенимдүүлүгүн далилдеген Ибн Салман АКШнын “Кылымдын келишими” долбоорун ишке ашыруу үчүн Ак үйдүн назарына түшкөн адам болуп эсептелет. Ал АКШнын “Атлантик” журналына берген интервьюсунда Жакынкы Чыгышта (Израил)дин бар экендигине жана израилдиктер менен палестиналыктар жанма-жан жашашына эч кандай диний кастык жоктугун о.э. Булуң мамлекеттери менен (Израиль) ортосунда көптөгөн кызыкчылыктар бар экендигин ачык айткан эле.
