Сирияда Түркиянын куралдуу күчтөрүнө каршы нааразылык акциясы уюштурулду

Сирияда Түркиянын куралдуу күчтөрүнө каршы нааразылык акциясы уюштурулду

Кафер Зейта жана Латамина сыяктуу аймактарда жайгашкан Түркия куралдуу күчтөрүнүн көзөмөлүндөгү чекиттерде нааразылык акциялары болуп өттү. Акцияларда Россия күчтөрү аймакта ишке ашырып жаткан бомбалоону токтотуу талабы жазылган баннерлер Түркия тарапка каратылды. Себеби, биринчиден аталган аймактын коопсуздугун Түркия мамлекети кепилдикке алган болсо, экинчиден Россия Түркиянын Сириядагы жакын союздашы.

Астана келишимине ылайык, Россия, Иран жана Түркиядан турган кепил мамлекеттер тарабынан Сирияда “коопсуз аймак” түзүлүп, ал жердеги кырдаалды көзөмөлдөө үчүн түрк куралдуу күчтөрүнүн көзөмөл пункттары уюштурулган эле. Ушуга ылайык, Түркия куралдуу күчтөрүнүн Идлибде көзөмөл чекиттерин орнотушу акысына “коопсуз аймак” катары Идлиб жана анын айланасында бомбалоолор токтотулушу жана бул аймакта согуш болбошу керек эле.

А бирок, Идлиб жана анын айланасында токтошу керек болгон бомбалоолор жана кыргындар токтобой койгон соң, ​​аталган аймакта кепил мамлекеттердин бири болгон Түркияга каршы реакциялар пайда боло баштады. Себеби Түркия куралдуу күчтөрүнүн көзөмөл пунктуна карабастан, Россия азыркыга чейин авиа соккуларын токтотподу жана дагы деле улантууда.

Жакында Идлиб менен Хаманын айланасындагы аймактарды Асад режими менен Россия күчтөрү оор артиллерия менен бомбалашынын натыйжасында көптөгөн адам каза болуп, бул аймак өтө чоң зыянга дуушар болгон .

О.э. ушул акцияларда Түркиянын Сирия калкына көрсөткөн жардамдары да айтылып, акциянын катышуучулары түрдүү ураандар жана баннерлер аркылуу Түркия калкына ыраазылык билдиришти.