Трамп Ким Чен Ын менен жолугушуудан баш тартты
Америка президенти Дональд Трамп Түндүк Корея жетекчиси менен 12-июнга белгиленген жолугушуудан баш тартты. Бул тууралуу РИА Новости кабарлады.
Кабарда келишинче, Трамп Ким Чен Ынга Сингапурда саммит өткөрүүдөн баш тартканы боюнча кат жөнөтүп, саммиттен баш тартууга КНДРдин АКШга карата “ачык душмандык маанайы” себеп болгондугун билдирген.
“Тилекке каршы, акыркы билдирүүңүздө ачууңузду ачык эле көрсөттүңүз.Мен көптөн бери пландаштырылып келе жаткан жолугушууну азыр өткөрүү туура эмес болуп калат окшойт деп эсептеймин”, – деп айтылат Ак үй тараткан билдирүүдө.
