Яхудий профессор: Жакынкы келечекте дүйнөнүн тагдырын исламчылар белгилейт
Яхудий профессор Тзипи Сафер, Араб дүйнөсүндөгү акимдер башкарууда ийгиликсиздикке учурагандыктан, келечекте бул мамлекеттердин баары исламчылардын башкаруусу астында калаарын билдирди. “Emame” веб сайты 28-январда таркаткан кабарда, яхудий профессор 26-январь күнү 12 каналга берген интервьюсунда, жакынкы келечекте бардык маселелерди исламчылар чече баштайт деп билдирген.
“Араб дүйнөсүндөгү өкмөттөрдүн башкаруу түзүмү ийгиликсиздикке учурады. Ошондуктан, жакынкы келечекте бул мамлекеттердин баары исламчылардын башкаруусунда калат. Бул болсо өз кезегинде өзгөрүү толкунуна майдан болуп калат. Аймактагы өлкөлөр исламчылар тарабынан көзөмөлдөнө турган жер катары биригет. Бул биригүүнүн ийгилиги болсо, Ислам империясынын ячейкасын түзөт”,- деп билдирди яхудий профессор.
Ал “Израил” менен Батыш ИШИМдин жеңилиши менен гана бул коркунучтан аман калаарын эскертип, келечектеги өзгөрүү толкундары Исламий күчтөргө жүздөнүшүнө ишара кылды. Яхудийдин ырасташынча, учурда бардык исламий уюмдар менен күрөшүүдөн мурун буга чейин кетирген каталардын үстүндө иштөө шарт. Себеби, келечекте бул маселелерди чечүү үчүн өткөн иштерден ибрат алуу керек болот.
“Ушул сценарийди ишке ашыруунун артында турган эң күчтүү булак, исламчылардын өз максаттарын ишке ашырууда чечкиндүүлүк менен бекем турушу. Алар ээ болгон ушул чечим Американы дүйнөдөн колун тарттырат жана артка чегинип өз кабыгына оролуп калууга мажбур кылат”,- деп билдирди Тзипи Сафер.
“Америка кыска убакыт ичинде тышкы ролун жана оюндарын токтотууга мажбур болот. Анткени, экинчи дүйнөлүк согуш бүткөндөн бери биринчи жолу Ислам империясынын алдындагы аймак кеңейди”,- деген күмөнүн билдирди.
Анын айтымында, Американын чөгүү белгилери көрүнө баштаса, яхудийлер да талкаланат. Себеби, “Израил” башкалардын жардамысыз бутунда тура албайт. Бул жардамдар үзүлүп калганда, яхудийлер эң ири аскердик арсеналга ээ болсо да эч нерсе кыла албай калат.
