Саудиянын (Израиль) менен дипломатиялык алака орнотуу үчүн жол картасы бар
Саудиянын яхудий вужуду менен толук дипломатиялык алака орнотуу үчүн жол картасы бар. Бул тууралуу Саудиянын тышкы иштер министри Адил ал-Жубайр билдирди. Министрдин айтымында, Саудия тарап дипломатиялык аракеттерди баштоо үчүн Палестина менен (Израиль) ортосундагы жарашууну күтүүдө.
Франциянын 24-каналына интервью берген Адил ал-Жубайр Саудиянын мураскор шахзадасы Мухаммад ибн Салман өкмөт иштерине аралаша баштагандан бери Саудия менен (Израил)дин ортосундагы саясатты тартипке салууда бир топ ийгиликтер болгондугун айтып өттү.
Саудиянын тышкы иштер министри: “Региондо Ирандын таасири күчөп бара жатышы Саудия жана (Израиль) үчүн тынчсыздануу булагы болуп калууда”, – деди.
Ливанда чыгуучу “Ал-Ахбар” гезити ноябрь айында, мураскор шахзада Мухаммад ибн Салмандын Саудия менен (Израиль) ортосундагы алаканы өнүктүрүү пландары тууралуу жазган эле.
Адил ал-Жубайр Франциянын 24-каналындагы маегинде АКШ саясатына баа берип, Дональд Трамп админстрациясынын Жакынкы Чыгыш маселесиндеги саясатына ыраазылык билдирди.
Адил ал-Жубайр: “Трамп админстрациясы (Израиль) жана арабдар ортосунда тынчтык орнотуу жаатында олуттуу аракет кылып жатканына ишенебиз”, – деди.
