Сооронбай Жээнбеков президенттик кызматка киришти
Кыргызстандын жаңы шайланган президенти Сооронбай Жээнбеков ант берип, расмий түрдө президенттик кызматты аткарууга киришти. Ал республиканын бешинчи президенти болду.
Эске сала кетсек, 15-октябрда Кыргызстандын президенттигине шайлоо болуп өткөн эле. Мурдагы премьер-министр Жээнбековдун талапкердиги бийликчил СДПК партиясынан көрсөтүлүп, шайлоого катышкан 56 пайыз шайлоочунун 54 пайыздан көбүрөөгү ага добуш берген.
Ант берүү аземи “Ала-Арча” мамлекеттик резиденциясында болуп, ага 450 адам катышты.
