Афганистан Россия жана Борбор Азия өлкөлөрүнүн атайын кызматтарынын жыйынын өткөрмөкчү
Расмий Кабул терроризмге каршы күрөшүү боюнча Россия Федерациясы жана Борбор Азия өлкөлөрүнүн атайын кызматтарынын жыйынын өткөрүүнү сунуштады. Бул тууралуу Афганистан президентинин Улуттук коопсуздук боюнча кеңешчиси Мухаммад Атмар билдирди. .
Атмар: “Разведка кызматтарынын кызматташтыгысыз терроризмге жана наркотикалык заттарга каршы күрөшүү мүмкүн эмес. Биз эки тараптуу жана көп тараптуу кызматташтык сунушун киргиздик”,- деди.
Анын айтымында, расмий Кабул Афганистанда же Борбор Азия өлкөлөрүнүн биринде разведка кызматтарынын башчыларынын конференциясын өткөрүү сунушу менен чыккан. “Конференциядан көздөлгөн максат, аталган кызматтардын кандай көрүнүштө кызматташарын талкуулашуу” дедиАтмар.
Мухаммад Атмар: “Патрушев жана башка катышуучулар бул сунушту колдоого алышты. Алар деталдарын талкуулашы үчүн мен сунушту жазуу түрүндө сунуштай турган болдум. Азырынча бул иш башталгыч баскычында турат. Бирок, Афганистан мындай кызматташтыкка даяр”,- деди.
“Биз Борбор Азиялык жана россиялык өнөктөштөрүбүзгө террорчулардын ишмердүүлүгү, алар мүчөлүккө кандай кабыл алары жана теракттарды кандай көрүнүштө ишке ашырары жөнүндө өзгөчө маанилүү маалыматты сунуштадык”,- деди Мухаммад Атмар.
